O Concello de Vigo, por medio do seu concelleiro de Deportes, Manel Fernández, presentou hoxe a undécima edición de Galiexpo Motor Show, a "meirande feira do motor do norte peninsular", segundo foi definida en sala de prensa e que está prevista para esta fin de semana.
O concelleiro de Deportes presentou hoxe o Campionato de Galicia de grupos show, que este sábado se celebra en Vigo (17:30 horas) co patrocinio do Concello.
O concelleiro de Deportes, Manel Fernández, presentou unha nova edición da Liga Linco de baloncesto, que patrocina o Concello e que organiza o Baloncesto Seis do Nadal.
Unha representación do Baloncesto Feminino Rodaballo foi recibida hoxe venres por Abel Caballero e Manel Fernández. Alcalde e concelleiro de Deportes fixéronlles entrega das tres novas equipacións e bolsas de deporte para o equipo que reúne a históricas xogadoras desta modalidade na cidade.
A Xunta de Goberno Local aprobou este venres o nomeamento das direccións facultativas das obras de instalación de pavimentos deportivos elásticos na pista vermella de As Travesas e Teis e na cubrición da piscina da ETEA, que permitirá dotar un novo equipamento a esta zona.
O alcalde de Vigo, acompañado polo concelleiro de Deportes, Manel Fernández, e por representantes dos clubs AVA e Beade, presentou este xoves a segunda edición do Circuíto Concello de Vigo de atletismo en pista.
O alcalde participou este mércores no Pavillón Central das Travesas na entrega de medallas das Xornadas Polideportivas de Reis, que congregaron a máis de cincocentas nenas e nenos de entre 4 e 11 anos durante este Nadal nas Travesas, en Navia e en Coia. Caballero puxo en valor "a grande mobilización" do deporte base da cidade neste período navideño con "miles" de rapaces e rapazas participando nas actividades organizadas polo Concello.
A viguesa Clara Pereira e o seu compañeiro David Vigo, que forman parte do Club de Baile Deportivo Al Compás, participaron recentemente no Open Internacional Junior no que se proclamaron subcampións de España de baile deportivo. Abel Caballero felicitounos polo éxito acadado, nun encontro celebrado este martes no Concello, e transmitiulles o aprecio da cidade polo seu bo facer nas pistas.
Abel Caballero recibiu este luns a Javier Álvarez Fariña, a quen felicitou por terse proclamado recentemente gañador da Copa de España de Judo na categoría de menos de 90 quilos e sinalou a "grande importancia deportiva" deste galardón que sitúa o "judo de Vigo nos máis altos niveis de España". <br />
Este luns o rexedor mantivo un encontro con varios deportistas do Ximnasio Escola Tao de Vigo a quen lles deu os parabéns polos éxitos acadados ao longo da temporada 2016, con varias medallas no Mundial, nas diferentes categorías da especialidade de taekwondo e referiuse ao "altísimo nivel" que está vivindo o judo, o taekwondo e as artes marciais na cidade.