O concelleiro de Fomento participou hoxe xoves na presentación da 7ª edición de A Pedaliña, unha actividade de promoción do uso da bicicleta, organizada en colaboración con A golpe de pedal. O sábado 26 de abril haberá actividades lúdicas no Castro e o domingo 27 sairá as 11,00 horas unha marcha en bicicleta que partirá da Porta do Sol.
O alcalde recibiu e felicitou ao club vigués de loita San Ignacio, que ven de proclamarse no mes de marzo campión de España en categoría senior feminina e subcampión junior, en Madrid. Caballero solicitoulles que as sete deportistas ofrezan no verán unha exhibición no centro da cidade.
Os días 12 e 13 de abril, os montes de Coruxo acollerán unha proba de Descenso -especial polo 15º aniversario do Cidade de Vigo de Mountain Bike- puntuable para o Open de España de DH, cunha participación estimada de 200 ciclistas. O alcalde invitou á cidadanía a presenciar a modalidade "máis espectacular do Mountain Bike".
Abel Caballero presentou hoxe venres os catro roteiros incluidos este ano no Programa Bici-Rutas, organizado polo Club Ciclista Vigues en colaboración co Concello. A primeira será o domingo 30 de marzo e descurrirá pola Senda da Auga.
Seis carreiras organizadas desde o próximo domingo 23 de marzo e o 12 de outubro contarán coa participación de máis de tres mil nenos e nenas. O Concello colabora, un ano máis, na organización do programa de crosses escolares de Vigo co obxectivo de fomentar o atletismo, unha actividade física "educativa e saudable".
O alcalde presentou o Trofeo Cidade de Vigo de patinaxe que esta fin de semana achegará ao Pavillón de As Travesas a máis de 600 deportistas. Organizado polo Coruxo FC coa colaboración do Concello de Vigo, este evento deportivo -clasificatorio para o torneo europeo- reunirá a 42 clubes procedentes de toda España.
A Gran Gala do Deporte de Vigo e a súa comarca, que na súa décimo-quinta edición premia aos e ás mellores de 2013, terá lugar o xoves 20 de marzo ás 20,00 horas no Centro Cultural Novacaixagalicia. Este ano o evento contará cunha actuación da Escola de Arte Dramático.
O concelleiro de Deportes, Manel Fernández, definiu este mércores o salón –que se celebrará do 4 ao 6 de abril- como un "acontecemento de primeiro relieve" que aúna aspectos "lúdico e deportivo en torno ao motor". Por cinco euros, a cita congregará vehículos tuning, clásicos, 4x4, coches americanos, náutica, motos e quads, ademais de espectáculos como o PowerDrift Indoor.
O alcalde participou este xoves na presentación da edición 2014 deste evento múltiple -XC, Mini DH e Enduro- do ciclismo de montaña, que terá lugar esta fin de semana nos montes de Coruxo. A organización celebrará ademais os quince anos do certame os días 13 e 14 de abril, cunha proba puntuable para a Copa de España de DH.
Durante o ano 2013, as arcas municipais destiñaron 450.000 euros a sufragar accións de potenciación do atletismo na cidade, segundo avanzou hoxe o alcalde quen esta tarde se reunirá con distintos clubs desta modalidade. Trátase, nas súas verbas, "da cifra máis alta da historia" para apoiar este deporte.