venres, 28 nov 2014
O concelleiro de Deportes, Manel Fernández, presentou hoxe no Concello o 36º Memorial Belarmino Alonso de campo a través, a proba de referencia do panorama galego que se disputará este domingo dende as 10:15 horas en San Andrés de Comesaña, acarón do campo da Xunqueira, cun circuíto de 1,9 quilómetros.
mércores, 26 nov 2014
O alcalde transmitirá hoxe á Xunta súa da decisión de admitir que sufrague a remodelación das pistas de atletismo de Balaídos en lugar de financiar o 10% da rehabilitación integral do estadio, tal e como lle solicitaba o Concello. Deste xeito a inversión autonómica será de 2 millóns de euros e as obras se realizarán en 2015 e 2016.
martes, 25 nov 2014
O Concello de Vigo adicará 857.000 euros a desenvolver obras nos campos de fútbol da ETEA, Samil e As Travesas. Nos dous últimos casos, acometeránse traballos de mellora, mentres que nas instalacións da antiga Escola de Transmisións vaise construir un novo campo de fútbol 11.
luns, 17 nov 2014
Abel Caballero animou hoxe luns a participar na edición da próxima edición da Vig-Bay que se celebrará o 22 de marzo de 2014. Unha vez máis, explicou o rexedor, o Concello cooperará coa posta en marcha deste evento deportivo que prevé congregar 5.500 participantes. <br />
venres, 14 nov 2014
Abel Caballero deu conta da cooperación do Concello na reparación do pavillón do Carballal de Balonmano, unha entidade deportiva cun número moi importante de mozos e mozas, que tamén participan nas escolas deportivas municipais. O rexedor mantivo esta mañá un encontro con resonsables da entidade quen lle deu as grazas por esta colaboración.
venres, 14 nov 2014
A Xunta de Goberno Local resolveu a convocatoria de subvencións a entidades deportivas da cidade, un total de case 431.000 euros repartidos entre 146 clubs da cidade beneficiarios que cubren 44 modalidades deportivas distintas. Abel Caballero tamén informou este venres da contratación do servizo de ximnasia para maiores.
martes, 4 nov 2014
Este mércores, ás 21 horas, o pavillón municipal das Travesas acollerá a eliminatoria de oitavos de final da Copa do Rei de fútbol sala entre o Mosteiro Bembrive FS, de 2ª división B, e o Fútbol Club Barcelona, da máxima categoría. O alcalde felicitou ao club vigués polo xa conseguido e animou á cidadanía a gozar do espectáculo.
venres, 31 out 2014
A Xunta de Goberno Local aprobou a reforma da cuberta do pavillón polideportivo de Teis, por importe de 158.359 euros. Tal e como explicou o rexedor, tamén se deu luz verde ao proxecto de humanizacio n de María Berdiales, por valor de 645.873 euros.
mércores, 29 out 2014
O alcalde é "proclive a aceptar" a contraproposta autonómica para a reforma do estadio, que pasaría por adicar 2 millóns ás pistas de atletismo baixo a grada de Río e as anexas ao recinto. O planteamento municipal era que a Xunta achegase o 10% do custo total da remodelación de Balaídos, 3 millóns de euros, a mesma porcentaxe na que participou para refacer o estadio de Pasarón, en Pontevedra.
venres, 24 out 2014
O alcalde de Vigo, Abel Caballero, anunciou hoxe o comezo esta fin de semana da I Liga Concello de Vigo de fútbol sala, para nenos e nenas de 4 a 7 anos, que durante a tempada 2014/15 disputarase nas instalacións deportivas municipais (As Travesas, Balaídos, O Berbés, Navia...) e que moverá a 1.300 deportistas de colexios, asociacións e clubs da cidade.