O Concello abre o prazo para participar na convocatoria de axudas a deportistas vigueses de base en modalidade individual, que se estenderá entre o 16 e o 31 de marzo. Son 20.000 euros que se repartirán en achegas de 1.000 euros, segundo detallou o rexedor en rolda de prensa.
O alcalde recibiu este mércores ao equipo da piscina municipal de Teis, despois de que o pasado domingo o traballo dun socorrista evitase o afogamento dun usuario do recinto, un home de 58 anos que perdera a consciencia. Abel Caballero eloxiou a "rapidez" do equipo humano da piscina e agradeceu o seu "gran traballo".
O alcalde de Vigo, Abel Caballero, xunto co concelleiro de Deportes, Manel Fernandez, e Leandro Rodríguez como presidente da Agrupación de Atletismo Escolar Xóvenes Atletas, presentaron hoxe a serie de probas de cross que permitirán a uns 1.800 alumnos de diversos colexios entrar en competición.
A Xunta de Goberno validou catro proxectos de colaboración con outras tantas entidades deportivas de élite por importe de 322.000 euros. Esta achega é unha parte da partida de 600.000 euros que o Concello adica as categorías máis altas do deporte vigués, unha cantidade á que hai que sumar o preto de medio millón de euros destiñado ao deporte de base.
As Bici Rutas regresan por quinto ano consecutivo dentro dos programas de promoción da Concellería de Deportes. O alcalde de Vigo, Abel Caballero, presentou hoxe as sete rutas en bicicleta que o Club Ciclista Vigués programou para este ano co patrocinio do Concello e que se celebrarán nos meses de marzo (dúas marchas), abril (unha), outubro (dous) e novembro (dous).
Manel Fernández, concelleiro de Deportes, anunciou hoxe que "Vigo será a capital do tuning esta fin de semana" grazas ao salón Galiexpo Motorshow que cumpre a súa novena edición no recinto ferial de Ifevi. Dende este venres ao mediodía ata o domingo ás 20:00 horas, o Ifevi acollerá a un gran número de expositores de clásicos, tuning, coches americanos, vehículos todoterreo, motos e náutica.<br />
Caballero fixo esta mañá un recoñecemento ao Real Club Celta de Vigo polo seu papel "clave" neste gran proxecto de cidade que é a remodelación integral do estadio municipal de Balaídos. Durante a rolda de prensa na que Celta e empresa adxudicataria asinaron o contrato para reformar a grada de Tribuna Preferencia, Caballero reiterou a satisfacción da cidade por este "soño que tardou tantos anos en concretarse".
O resto do recinto deportivo abrirá no verán, segundo detallou este luns Abel Caballero tras unha visita aos traballos de construción do complexo. O Concello inviste case 9 millóns de euros e, xunto ao emprego da obra, xerará entre 30 e 50 postos de traballo cando entre en funcionamento. Engadido ao campo de fútbol 11 e o pavillón polideportivo, "o complexo deportivo de Navia será o máis importante de España", afirmou o alcalde.
O alcalde reiterou esta mañá a vontade do goberno local de acometer a renovación do campo de fútbol do Colexio Hogar dado que a propietaria, A Fundación, non asume as súas responsabilidades. Tal e como se fará no campo de O Carballal, sustituirase a terra por herba sintética de última xeración. O rexedor visitou hoxe as instalacións con ténicos municipais e membros da directiva do clube.
Abel Caballero anunciou a celebración este domingo da segunda edición da Gran Bikedada, unha proposta ciclista "con dimensión de vida saudable", explicou o rexedor, e que sairá da zona do Náutico ás 9:00 horas para chegar ata o encoro de Eiras, en Fornelos de Montes e regresar ao momento de partida.<br />