martes, 29 set 2015
O alcalde de Vigo, Abel Caballero, manifestou hoxe ás autoridades de Viana do Castelo presentes no Náutico, á directiva do club local e ás institucións e patrocinadores asistentes, o seu respaldo á Semana do Atlántico Cidade de Vigo, o evento máis importante da vela lixeira a nivel nacional e que se desenvolve en Vigo e Viana durante o mes de outubro e o primeiro día de novembro.
martes, 29 set 2015
O concelleiro de Deportes, Manel Fernández, amosou hoxe a súa máxima colaboración e a do Concello á Holi Run, unha curiosa proba que se pode facer andando ou correndo e que se disputará o 11 de outubro ás 11,00 horas nas inmediacións da praia de Samil.
venres, 25 set 2015
O alcalde asinou esta venres os convenios de cesión das instalacións do Instituto Municipal dos Deportes, que permitirá que os centros de Ensino Secundario da cidade e un centro de educación infantil e primaria empreguen estes espazos para realizar as actividades deportivas co seu alumnado. <br />
martes, 15 set 2015
O alcalde participou este martes na presentación da Semana Abanca 2015 de Navegación e Remo, que inclúe sete ciclos de regatas nas rías de Vigo e Pontevedra, na costa portuguesa de Matosinhos e no eixo Luanco-Xixón. No acto, Caballero destacou o traballo das entidades viguesas a prol da navegación e da divulgación do patrimonio marítimo.
venres, 28 ago 2015
O alcalde de Vigo participou hoxe venres nunha exhibición de tenis organizada frente ao MARCO para apoiar o I Torneo Mestres Clube de Campo "Legends Galicia". No acto tamén estiveron presentes o presidente da entidade, Manuel Sanjurjo, o delegado de Gadisa de Pontevedra, Pablo Louro, ademais dos tenistas Albert Costa, Javier Sánchez Vicario, Tomás Carbonell e Roberto Carretero.
mércores, 26 ago 2015
A mellor proba ciclista de Galicia para afeccionados copará o interese da cidade durante toda a derradeira fin de semana de agosto e en pleno casco urbano. O concelleiro de Deportes, Manel Fernández, presentou a 42 edición do Gran Premio Cidade de Vigo acompañado polo presidente do Club Ciclista Vigués, Carlos Vidal, entidade organizadora, e do presidente da Federación Galega de Ciclismo, Carlos Muñiz.
martes, 18 ago 2015
O alcalde de Vigo, Abel Caballero, e o concelleiro de Deportes, Manel Fernández, recibiron hoxe martes na sala de xuntas de Alcaldía aos representantes da Federación Galega de Tenis e Escola de Tenis de Samil con motivo da organización da 74 edición do Campionato Cidade de Vigo de tenis-VI Memorial Antonio Santorio, nas pistas do complexo municipal de Samil do vindeiro día 24 ao domingo 6 de setembro.
xoves, 13 ago 2015
O alcalde de Vigo, Abel Caballero, acompañado polo concelleiro de Deportes, Manel Fernández, recibiu hoxe a Concepción Martins, presidenta do Club Baloncesto Seis do Nadal, ao directivo Ramón Román e ao coordinador deportivo da entidade, Sergio González, que acudiron acompañados polo dous metros Alberto Abalde.<br />
mércores, 12 ago 2015
Abel Caballero visitou esta mañás o novo complexo deportivo de Navia que, a expensas de realizar os útimos remates, entrará en funcionamento o próximo 14 de setembro. Segundo detallou o rexedor, trátase dunha obra de 11 millóns de euros e unha superficie total de 16.000 m2.
mércores, 12 ago 2015
O alcalde de Vigo, Abel Caballero, asegurou que o 75 Concurso Internacional de tenis do Club de Campo, do 17 ao 23 deste mes, amosta que "o club converteuse nun emblema", cualificando á sociedade recreativa local, nada en 1934, de "club moi grande, inmenso".
