Caballero anima á cidadanía que vaia a O Vao a ver a Copa Galega de enganches
O alcalde, Abel Caballero, acompañado polo concelleiro de Deportes, Manel Fernández, e representantes do comité organizador, presentou este venres a Copa Galega de Enganches, cuxa final vaise celebrar este sábado nos campos do Vao, acarón do campo de fútbol de Coruxo.
![1510333104enganches.jpg 1510333104enganches.jpg](https://xornal.vigo.org/storage/xornal-historico/medi/xornal/noticias/imx/opt/1510333104enganches.jpg)
Por vez primeira, Vigo recibe unha competición oficial de enganches, que é o manexo dun tiro de cabalos enganchados a un carruaje. Caballero anunciou que a entrada será gratuíta e recomendou á cidadanía que acuda, especialmente "a quen lle guste o que ten que ver con todas as facetas da hípica".
O Club Hípico Vigo organizou a final da Copa Galega, que comezará ás 16:00 horas en tres modalidades: limoneras (cun cabalo), troncos (con dous cabalos) e libre. Participarán os quince mellores competidores do circuíto galego de enganches (a Copa Galega), que disputou ata agora seis probas dende xuño entre as provincias de Ourense e Pontevedra e que en Vigo pecha a tempada galega.
O Club Hípico Vigo tamén programou unha segunda xornada, o Trofeo Cidade de Vigo, o domingo 12 ás 11:30 horas, para dar maior aliciente aos participantes que se desprazaron dende toda Galicia. É de inscrición aberta. "Dende hai dous anos o nivel de participación no enganche foi impresionante", explicou Ramón Fernández, presidente do comité organizador.
Ademais, a organización complementou a competición oficial cun torneo de horseball o sábado (19:30 horas) e un bautismo hípico para nenos e nenas o domingo e un mercado tradicional os dous días e unha actuación musical o sábado do grupo La Patrulla (22:00 horas).
"Somos un club novo e o noso deporte principal é o horseball", manifestou Miguel Rosales, presidente da entidade, que explicou que é "baloncesto a cabalo" cun 80% de deportistas femininas e que é "moi dinámico e vistoso".
José Manuel Costas, o máis veterano nas lides organizativas, falou da empatía de Vigo e o enganche: "Unha vez coñécelos, enganchan".
Descargar todas as imaxes
O Club Hípico Vigo organizou a final da Copa Galega, que comezará ás 16:00 horas en tres modalidades: limoneras (cun cabalo), troncos (con dous cabalos) e libre. Participarán os quince mellores competidores do circuíto galego de enganches (a Copa Galega), que disputou ata agora seis probas dende xuño entre as provincias de Ourense e Pontevedra e que en Vigo pecha a tempada galega.
O Club Hípico Vigo tamén programou unha segunda xornada, o Trofeo Cidade de Vigo, o domingo 12 ás 11:30 horas, para dar maior aliciente aos participantes que se desprazaron dende toda Galicia. É de inscrición aberta. "Dende hai dous anos o nivel de participación no enganche foi impresionante", explicou Ramón Fernández, presidente do comité organizador.
Ademais, a organización complementou a competición oficial cun torneo de horseball o sábado (19:30 horas) e un bautismo hípico para nenos e nenas o domingo e un mercado tradicional os dous días e unha actuación musical o sábado do grupo La Patrulla (22:00 horas).
"Somos un club novo e o noso deporte principal é o horseball", manifestou Miguel Rosales, presidente da entidade, que explicou que é "baloncesto a cabalo" cun 80% de deportistas femininas e que é "moi dinámico e vistoso".
José Manuel Costas, o máis veterano nas lides organizativas, falou da empatía de Vigo e o enganche: "Unha vez coñécelos, enganchan".