Caballero saúda a nova experiencia municipal cos Xogos Deportivos de Reis para fútbol, fútbol sala e balonmán
O Concello de Vigo, a través da Fundación VIDE, porá en marcha unha nova experiencia na primeira semana do ano co obxectivo de "multiplicar a oferta deportiva municipal de canteira", explicouse hoxe. Do 2 ao 4 de xaneiro (luns a mércores), As Travesas, Navia e Coia recibirán os Xogos Deportivos de Reis, unha actividade que terá a medio cento de equipos e máis de 500 deportistas con idades comprendidas entre os 4 e os 11 anos.
A Concellería de Deportes e VIDE dinamizan o Nadal co fútbol (4 a 6 anos), fútbol sala (4 a 7 anos) e balonmán (6 a 11), que coparán o campo de Navia (Municipal Pahiño, días 2 e 3), o campo de fútbol das Travesas (día 4) e o seu Pavillón Central (do 2 ao 4) e os polideportivos de Coia (días 2 e 3) e Frontón (mércores 4). O evento futbolístico é non competitivo, seguindo a filosofía da liga municipal de Samil, mentres que balonmán (benxamín e alevín) e fútbol sala (mini prebenxamín, prebenxamín e benxamín) proclamarán campións.
O alcalde da cidade, Abel Caballero, acompañado polo concelleiro de Deportes, Manel Fernández, recibiu en Alcaldía a unha nutrida representación de deportistas, dirixentes e técnicos envorcados nesta actividade que en anos sucesivos seguirá crecendo. Entre os asistentes, o presidente da Federación Galega de Balonmán, Pérez Ouro; Borja Arca (Asociación de Fútbol Sala), Belarmino Alonso, "Milucho", responsable do torneo de fútbol e o internacional vigués de balonmán, Pedro Rodríguez, xogador do Pick Szeged húngaro.
Caballero, que manifestou aos asistentes que o deporte formativo é unha das súas prioridades no goberno da cidade, desexoulles que a primeira proba deportiva de 2017 resulte "un éxito" e que os participantes gocen de tres días de puro deporte.
A fin de valorar o esforzo de todos os participantes, o Concello entregará medallas a todos eles. As primeiras xa foron para os sete neneos e nenas que acudiron ao Concello en representación dalgúns dos equipos inscritos. Precisamente o mércores 4, ás 12:00 horas, terá lugar o peche do evento no Central coa entrega de medallas.
Descargar todas as imaxes
O alcalde da cidade, Abel Caballero, acompañado polo concelleiro de Deportes, Manel Fernández, recibiu en Alcaldía a unha nutrida representación de deportistas, dirixentes e técnicos envorcados nesta actividade que en anos sucesivos seguirá crecendo. Entre os asistentes, o presidente da Federación Galega de Balonmán, Pérez Ouro; Borja Arca (Asociación de Fútbol Sala), Belarmino Alonso, "Milucho", responsable do torneo de fútbol e o internacional vigués de balonmán, Pedro Rodríguez, xogador do Pick Szeged húngaro.
Caballero, que manifestou aos asistentes que o deporte formativo é unha das súas prioridades no goberno da cidade, desexoulles que a primeira proba deportiva de 2017 resulte "un éxito" e que os participantes gocen de tres días de puro deporte.
A fin de valorar o esforzo de todos os participantes, o Concello entregará medallas a todos eles. As primeiras xa foron para os sete neneos e nenas que acudiron ao Concello en representación dalgúns dos equipos inscritos. Precisamente o mércores 4, ás 12:00 horas, terá lugar o peche do evento no Central coa entrega de medallas.