martes, 4 xuñ 2019
Abel Caballero participou este martes na presentación dunha nova edición da Carreira Feminina de Vigo. A proba, presentada nas instalacións de El Corte Inglés, celebrarase o vindeiro 16 de xuño e os organizadores esperan unha participación de unhas 1.500 mulleres aproximadamente. O alcalde animou ás viguesas a participar e defendeu a igualdade da muller na sociedade actual. Caballero augurou unha longa vida á proba deportiva.
venres, 31 mai 2019
O rexedor en funcións explicou que tralas obras realizadas para renovar o céspede e a iluminación en Navia, Candeán e o Meixoeiro, o Concello está acondicionando os campos da Bouzas e o Baltasar Pujales.
venres, 31 mai 2019
A terceira edición da Andaina solidaria parte da Praza do Rei o domingo 9 de xuño e finalizará no parque de Castrelos, onde haberá actividades e agasallos para os máis pequenos. A recadación irá en beneficio das asociacións Bicos de Papel e Asanog.
venres, 31 mai 2019
Samil volve a recibir cinco deportes este verán, que se repartirán en seis fines de semana e once días de competición dende este domingo día 2 ata xullo. A pista Vigoarea, coma sempre ao carón do complexo deportivo municipal, vai ofertar balonmán, tenis, voleibol, futvolei e fútbol na praia urbana.
xoves, 30 mai 2019
O parque do Castro será unha vez máis o lugar elixido para gozar das actividades da Pedaliña o próximo sábado 1 de xuño. Ao día seguinte, será a quenda da ruta urbana en bicicleta que comezará e rematará na Porta do Sol.
mércores, 29 mai 2019
A xornada deportiva e lúdica celébrase este sábado en Navia coa finalidade de recadar axuda para o Banco de Alimentos. Amais de masterclass de diferentes disciplinas o II FestiMáis contará cun tobogán de 120 metros para goce dos cativos.
mércores, 15 mai 2019
Club Natación Vigo Rías Baixas, Concello de Vigo e Mercado de Teis, organizador aquel e patrocinadores estes, presentaron esta mañá a Travesía a nado Ardora, proba nocturna que por terceiro ano consecutivo elixe xuño, esta vez o sábado 29 (23:15 horas), para que 120 participantes (hai inscrición restrinxida por motivos de seguridade) gocen cun evento "único en Galicia", segundo sinalou Antonio Vázquez, presidente da entidade deportiva.
luns, 13 mai 2019
O alcalde de Vigo, Abel Caballero, presentou esta mañá a fase de ascenso a División de Honra Prata masculina, a segunda categoría do balonmán español, que o polideportivo municipal de Navia acollerá durante a ponte das Letras Galegas (17 ao 19 de maio)
mércores, 8 mai 2019
O alcalde de Vigo, Abel Caballero, acompañado de Chema Rodríguez, promotor e patrocinador, o presidente da Federación Galega de Automobilismo, Iván Corral, e do piloto Alberto Meira ademais do histórico Beny Fernández, anunciou unha nova edición do Rallye Rías Baixas para o Día das Letras Galegas e o sábado 18 de maio.<br />
martes, 7 mai 2019
Volve o vindeiro 9 de xuño a festa solidaria Coruxo Móvese que patrocina o Concello e que organiza a Fundación Isidre Esteve coa colaboración do Coruxo FC. Visualizar o traballo da fundación en apoio das persoas con discapacidade ou movilidade reducida é o obxectivo desta "iniciativa feliz que polas súas características é unha cita especial polo que significa de deporte e diversión, de alegría e de integración", explicou o concelleiro de Deportes, Manel Fernández, na presentación do evento.
