venres, 3 xul 2009
Baixo a idea de que a cultura é deporte e o deporte é cultura, o tenente de alcalde de Vigo, Santi Domínguez, presentou hoxe o libro "Historias de Sticks", unha iniciativa da Fundación VIDE que recolle nun coidado tomo de máis de 300 páxinas a traxectoria do hóckey a patíns na nosa cidade. Co gallo da disputa do Campeonato do Mundo da especialidade, ábrese así unha xeira de libros que profundizarán sobre o pasado das diferentes modalidades deportivas en Vigo e que irán editándose ao carón dalgún evento significativo en anos vindeiros.
xoves, 2 xul 2009
O concelleiro de Deportes, Xabier Alonso, desexou este xoves os "maiores éxitos" aos deportistas vigueses que participarán na octava edición dos Xogos do Eixo Atlántico, que se disputarán do 5 ao 10 de xullo na Coruña. No trancurso da recepción que esta mañá ofreceu á delegación viguesa, integrada por un total de 120 deportistas, salientou que neste evento participan nenos e nenas de 14 a 16 anos nas modalidades deportivas de baloncesto feminino e masculino, balonmán masculino, fútbol 7 masculino, voleibol feminino, atletismo masculino e feminino, natación masculina e feminina e bádminton.
venres, 26 xuñ 2009
O tenente de alcalde de Vigo, Santi Domínguez, asinou hoxe con Caixanova o contrato de patrocinio do Campionato do Mundo de hóckey a patíns, que se disputará en Vigo e Pontevedra do vindeiro día 4 ao 11 de xullo, e presentou xunto a Jorge Santos, director de Infancia, Xuventude e Deportes da entidade, o torneo de base que do 5 ao 10 de xullo se disputará de forma paralela á competición oficial no Ifevi,pavillón de Pontevedra e pavillón do Carme.
xoves, 25 xuñ 2009
A selección española de hóckey a patíns foi recibida oficialmente hoxe no Concello de Vigo polo alcalde, o tenente de alcalde e o concelleiro de Deportes, con motivo da súa estadía na cidade para preparar o Campionato do Mundo, que comezará o 4 de xullo no Ifevi e Pontevedra.
venres, 19 xuñ 2009
O concelleiro de Deportes, Xabier Alonso animou aos vigueses e viguesas a participar na XXVI edición da Carreira Nocturna de San Xoán, que se celebrará o vindeiro 23 de xuño a partir das 21.15 horas dende a praza do Rei. Na presentación da proba, na que tamén participou o delegado en Vigo da Federación Galega de Atletismo, Eleuterio García, Xabier Alonso destacou que se repartirán un total de 1.200 euros en premios.
venres, 19 xuñ 2009
"Hoxe aquí, ao carón do océano Atlántico, o Deus Neptuno permitiunos recibir a unha encantadora criatura chegada do mar, que é o referente simbólico da nosa cidade". Con estas verbas presentou esta mañá o tenente de alcalde e concelleiro de Turismo de Vigo, Santi Domínguez, a Oli, mascota do Campionato de Mundo de hóckey a patíns.
mércores, 17 xuñ 2009
O concelleiro de Deportes e presidente da Fundación Vide, Xabier Alonso, anunciou hoxe que a inscrición de 193 equipos na IX Vigo Cup (29 de xuño ao 5 de xullo) converte a proba na segunda de máis participación da historia do campionato, que comezou no 2001. A inscrición é só dun equipo menos que na mellor edición, a de 2004, o que significa, según o nacionalista, "que en VIDE a xerente está facendo as cousas ben e que este non é un trofeo máis de verán senón un referente".
martes, 16 xuñ 2009
O campo de herba sintética das Travesas acollerá esta fin de semana, 20 e 21 de xuño o VIII Trofeo Internacional Cidade de Vigo de Hóckey Herba, coa participación de catro clubes na modalidade masculina e dous na feminina. Ademais, o torneo completarase coa celebración de actividades paralelas dirixidas aos deportistas máis novos, nas que participarán arredor de 100 rapaces e rapazas de 5 a 12 anos.
venres, 5 xuñ 2009
O O Campionato do Mundo de Hóckey sobre Patíns, que terá lugar dos días 4 ao 11 de xullo en Vigo e Pontevedra, comezou a rodar hoxe coa celebración da última reunión do Comité Organizador e a posterior rolda de prensa de presentación do evento. Na xuntanza aprobouse os prezos das entradas, que se porán a venda a partir do vindeiro martes.<br />
xoves, 4 xuñ 2009
O concelleiro de Deportes, Xabier Alonso, anunciou este xoves que preto de 200 deportistas participarán no Campionato Galego de Natación Alevín que se celebrará os vindeiros 6 e 7 de xuño na piscina municipal do Carme. Segundo destacou o concelleiro, a celebración desta proba en Vigo reflicte unha vez máis a aposta da Concellería de Deportes polo deporte de base.