Os representantes vigueses nos Xogos Mundiais de Policías e Bombeiros que acaban de disputarse en Vancouver, Canadá, superaron todas as expectativas conseguindo un total de 12 metais -3 de ouro, 7 de prata e 2 de bronce-. Os participantes vigueses salientaron que acudiron á cita cun equipo reducido pero os resultados foron "sobresaíntes".
O Trofeo Cidade de Vigo de balonmán masculino volve a escena este venres (21.00 horas, As Travesas) cun partido que significará o primeiro ante os seus siareiros do Pilotes Posada, equipo vigués da Liga Asobal, segundo anunciou este martes o concelleiro de Deportes, Xabier Alonso.
A Regata Rías Baixas disputarase este ano dende o 14 ao 18 deste mes nas rías de Vigo, Pontevedra e Arousa. Organizada polo Real Club Náutico, a proba foi presentada no Corte Inglés, que é un dos patrocinadores da competición decana das regatas estatais.
Os representantes nos Mundiais de Policías e Bombeiros que se están a celebrar en Vancouver (Canadá) acadaron na xornada de onte martes a súa primeira medalla de ouro na modalidade de 2.000 metros remo. Nos catro días de competición, o equipo colleitou un total de sete metais -un ouro, catro pratas e dous bronces- en tres disciplinas distintas.
O equipo de Policía e Bombeiros que compite nos xogos mundiais xa ten a súa primeira medalla de prata, conseguida polo bombeiro Alberto Costas na carreira de 10.000 metros. Outro resultado conseguido foi o cuarto posto de Fernando Lorenzo en natación en 50 metros na modalidade bolboreta.
A Fundación Vigo en Deporte (VIDE), que preside o concelleiro Xabier Alonso e cuxa xerente é Laura Magdalena, presentou hoxe a súa memoria de 2008, pública por vez primeira. Segundo o concelleiro, a memoria supón un paso de "transparencia" que amosa a filosofía deste Goberno municipal.
O concelleiro de Deportes, Xabier Alonso, e o presidente da Federación Galega de Tenis, Antonio Santorio, presentaron hoxe a oitava edición do Trofeo Internacional Cidade de Vigo de Tenis Feminino, IV Copa Caixanova, no Pazo Museo Quiñones de León. O evento, do circuíto mundial (WTA), disputarase dende este vindeiro venres 24 ao 2 de agosto no complexo do IMD en Samil e está dotado con 25.000 dólares en premios.
O vindeiro sábado celebrarase no estadio municipal de atletismo de Balaídos a trixésima edición do Gran Premio Cidade de Vigo de Atletismo en pista, que nesta ocasión contará coa participación de 124 atletas. O concelleiro de Deportes, Xabier Alonso, salientou hoxe na presentación "que este trofeo é o gran escaparate" do traballo que día a día se fai na cidade nunha disciplina "que cubre moitas facetas do deporte".
Baixo a idea de que a cultura é deporte e o deporte é cultura, o tenente de alcalde de Vigo, Santi Domínguez, presentou hoxe o libro "Historias de Sticks", unha iniciativa da Fundación VIDE que recolle nun coidado tomo de máis de 300 páxinas a traxectoria do hóckey a patíns na nosa cidade. Co gallo da disputa do Campeonato do Mundo da especialidade, ábrese así unha xeira de libros que profundizarán sobre o pasado das diferentes modalidades deportivas en Vigo e que irán editándose ao carón dalgún evento significativo en anos vindeiros.
O concelleiro de Deportes, Xabier Alonso, desexou este xoves os "maiores éxitos" aos deportistas vigueses que participarán na octava edición dos Xogos do Eixo Atlántico, que se disputarán do 5 ao 10 de xullo na Coruña. No trancurso da recepción que esta mañá ofreceu á delegación viguesa, integrada por un total de 120 deportistas, salientou que neste evento participan nenos e nenas de 14 a 16 anos nas modalidades deportivas de baloncesto feminino e masculino, balonmán masculino, fútbol 7 masculino, voleibol feminino, atletismo masculino e feminino, natación masculina e feminina e bádminton.