martes, 26 mai 2009
A selección española senior de baloncesto feminino xogará este sábado, ás 20.00 horas, no pavillón central das Travesas fronte a Cuba en partido amigable de preparación para o Campionato de Europa, que se xogará do 7 ao 20 do vindeiro xuño en Riga (Letonia). A Tenencia de Alcaldía e a Concellería de Deportes patrocinan o encontro, con entrada gratuíta e que serve tamén ao Concello para recoñecer 40 anos do Celta no baloncesto nacional.<br />
mércores, 20 mai 2009
Sechu López, montañeiro vigués de 43 anos, atacará este verán dous do catorce "oitomiles" existentes. Para iso voará dende Vigo o vindeiro 19 de xuño a Islamabad (Paquistán), onde continuará ata o macizo dos Gasherbrum, na cordilleira do Karakorum, na cara sur ao lado paquistaní, fronteirizo con China.<br />
mércores, 20 mai 2009
O concelleiro de Deportes, Xabier Alonso expresou os seus parabéns ao equipo de cadetes do Gestibérica, que veñen de proclamarse campións galegos na súa categoría. No trancurso dunha recepción na Concellería de Deportes, o edil animounos a seguir traballando para potenciar o deporte vigués e agasallou ao equipo co libro "Vigo nas ondas".
martes, 19 mai 2009
O tenente de alcalde, Santi Domínguez, animou este martes aos vigueses e viguesas a que coa súa presenza arroupen o tramo urbano do Rallye Rías Baixas, que terá lugar en Samil o 29 de maio á partir das 20.30 horas. Nesta edición da proba se recupera despois de 40 anos a presenza do rallye nas rúas da cidade.
xoves, 30 abr 2009
O concelleiro de Deportes, Xabier Alonso, anunciou este xoves que a fase de ascenso a Primeira Nacional dos equipos masculino e feminino do Clube Seis de Nadal de Balonmán se disputa esta fin semana, 1, 2 e 3 de maio, nos pavillóns de Travesas e Coia. Segundo o edil trátase "dun espectáculo digno de ver", polo que anima a toda a cidadanía a presenciar os partidos.
venres, 24 abr 2009
O tenente de alcalde, Santi Domínguez, inaugurou hoxe a Copa André Vergauwen que reúne desde hoxe na nosa cidade aos mellores equipos de Europa de baloncesto en cadeira de rodas. O concelleiro salientou na súa intervención que "é un acontecemento deportivo a prol da igualdade de oportunidades de todos e todas".
xoves, 23 abr 2009
O concelleiro de Deportes, Xabier Alonso, explicou hoxe que a Festa Infantil do Kárate que se celebrará este sábado 25 de abril no pabillón municipal do Berbés reunirá a máis de 300 rapaces e rapazas de todas as idades. Segundo o edil "é moi importante que os nenos e nenas se acheguen á saúde e ao benestar a través da práctica deportiva", tema central desta edición.
martes, 21 abr 2009
O concelleiro de Deportes, Xabier Alonso, anunciou este martes que máis de 500 deportistas participarán esta fin de semana, 25 e 26 de abril, no Campionato de España de Duatlón. O edil animou á cidadanía a presenciar "unha proba deportiva de tan alto nivel que se celebra nun marco incomparable como é o parque de Castrelos e a avenida Clara Campoamor".
venres, 17 abr 2009
A Copa André Vergauwen, segunda competición europea de baloncesto en cadeira de rodas, disputarase en Vigo do 23 ao 26 deste mes nos pavillóns das Travesas e de Bouzas. Hoxe foi presentada a competición, que organiza o Aldasa Amfiv vigués con apoio económico de tenencia de alcaldía e da concellería de Deportes, entre outras institucións.
mércores, 18 mar 2009
O concelleiro de Deportes, Xabier Alonso, animou este mércores a toda a cidadanía a gozar coa "exposición andante" dos coches que participan na XI edición do Rallye Rías Baixas de Clásicos. Esta proba, na que se decidirá o Campionato de España 2008, disputarase o vindeiro sábado 21 de marzo, dende ás 10.30 horas ata 20.15 horas
