Abel Caballero participou hoxe mércores na presentación da 50ª edición da Regata Martín Códax, organizada polo Club Náutico de Vigo. Durante a súa intervención, felicitou aos responsables da entidade deportiva pola eventual saída do concurso de acreedores o que garanta a súa continuidade.
Abel Caballero presentou hoxe luns un torneo de pádel solidario organizado polo Real Club Náutico de Vigo en favor de Aspanaex. Os organizadores desta competición, que comezará o luns 29 de xullo e rematará o domingo 4 de agosto, confían en reunir a 400 participantes.
A fin de semana, disputaranse en Vigo dous importantes premios deportivos de este verán. O sábado 20 de xullo a XXXIV Edición do Gran Premio Cidade de Vigo de atletismo en pista, e a XXI Bandeira Concello de Vigo de traíñas odomingo 21 de xullo.
O Concello de Vigo patrocina un ano máis a XXI Bandeira Concello de Vigo de traíñas, organizada o domingo 21 de xullo polo Clube de Remo de Coruxo. Nove equipos participarán este ano nunha proba que comezará as 12,00 horas desde a Ponte de Toralla.
Xunto a numerosos representantes da delegación viguesa da Federación Galega de Atletismo, o alcalde presentou este mércores a trixésimo cuarta edición dun evento a desenvolverse este sábado nas pistas de Balaídos. A falta do día de hoxe para pechar a inscripción, 65 atletas xa confirmaron a súa presencia neste gran premio.
O alcalde felicitou este martes a un grupo de deportistas da cidade, todas mulleres, que veñen de conseguir éxitos en disciplinas como a esgrima, o ciclismo, a ximnasia acrobática e o atletismo. Abel Caballero avanzou que o Concello incrementará o apoio ao deporte vigués ante a caída do patrocinio privado.
Martín de la Puente Riobó é un deportista vigués que ven de obter a segunda posición no campionato mundial de tenis en cadeira de rodas. O alcade, quen mantivou un encontro con el na Alcaldía, eloxiou o entusiasmo e a actitude positiva deste tenista de 13 anos, 7º do ranking mundial da súa categoría.
O alcalde felicitou hoxe aos xogadores do Celta de Vigo de fútbol Indoor que gañaron a liga desta categoría en toda España. Durante a recepción, Caballero anunciou a vontade do Concello de aopoiar este deporte "dinámico e vistoso para que continúe a súa andaina en Vigo".
O alcalde presentou hoxe xoves a decimoterceira edición da Vigo Cup, o torneo internacional de fútbol base para nenos e nenas de 7 a 16 anos que naceu co novo século e que este verán, con finais no estadio municipal de Balaídos, verá en competición un total de 194 equipos de medio cento de clubs. Este ano o número de entidades deportivas inscritas creceu nun 20% respecto de 2012.
O alcalde, Abel Caballero, e o presidente da delegación viguesa da Federación Galega de Atletismo, Jesús Martínez, presentaron este venres a trixésima edición deste evento deportivo. A día de hoxe, último para inscribirse, máis de 600 atletas confirmaron a súa participación.