xoves, 23 mai 2013
O alcalde de Vigo presentou este xoves o encontro da Liga Indoor de cuartos de final que enfrontará, ás 20:45 horas de mañá no Pavillón das Travesas, ao Real Club Celta de Vigo e ao Real Madrid. As entradas costan 5 euros, 3 euros para os socios e peñistas do club e de balde para menores de 12 anos.
mércores, 22 mai 2013
O barrio de As Travesas acollerá o sábado a partir das 22,00 horas a primeira carreira nocturna Correndo por Vigo, de 10 kilómetros. Xa son mil os inscritos nunha proba "novidosa" que desde este ano se incorpora ao circuito atlético da cidade.
xoves, 16 mai 2013
"Se así o deciden, o Concello está disposto a cooperar con autobuses na ida a Valladolid". Así o asegurou este xoves Abel Caballero ante os medios, despois de ter ofrecido en días atrás ás peñas do RC Celta este desprazamento. "Seguimos dispostos a apoiar as peñas", apuntou o alcalde.
xoves, 16 mai 2013
O pavillón municipal de As Travesas acollerá mañá venres a XVI Festa do Patín, con case 2.000 participantes e 104 grupos de patinadores. Caballero felicitou aos organizadores "porque o seu traballo é exepcional, unha mostra de Vigo e de súa afección ao deporte".
xoves, 9 mai 2013
O alcalde presentou este xoves o último encontro da fase regular da Liga de Fútbol Indoor, un RC Celta-Real Valladolid decisivo para as aspiracións locais de xogar os cuartos de final, contra o Real Madrid. O Celta precisa alomenos un punto contra o Valladolid, encontro que se xoga o venres, as 20:45 horas, con entradas a dous euros.
martes, 7 mai 2013
A XVI Media Maratón de Vigo, que regresa tras catorce anos de ausencia, disputarase este domingo (10:00 horas) dende Policarpo Sanz e con máis de mil participantes polo centro de Vigo. "É a primeira da época moderna", sinalou o alcalde na presentación da proba, xa que comezou en 1984 e a súa última edición databa de 1999.
venres, 3 mai 2013
Trescentos nenos e nenas de catro clubs, catro colexios e as escolas deportivas municipais da cidade mostrarán este sábado as súas habilidades no pabellón de Bouzas, dentro da XXVI Festa Infantil do Kárate, que comezará ás 17:00 horas e que promete un cheo absoluto.
xoves, 2 mai 2013
O alcalde, Abel Caballero, presentou este xoves con José Luis Rodríguez, da entidade colaboradora Vigo Extreme, unha nova proposta municipal para coñecer a cidade, desta volta sobre patíns. As distintas rutas previstas, adaptadas para patinadores adultos e infantís, terán lugar os domingos de maio e xuño.
martes, 30 abr 2013
O goberno local colabora con Decathlon, organizadora do evento, na celebración o próximo domingo, 5 de maio, da terceira edición do DecaBike, unha gran festa da bicicleta cun percorrido de 10 quilómetros con inicio en Samil e final en Balaídos, ademais de actividades complementarias no areal vigués.
martes, 30 abr 2013
O alcalde de Vigo asisitiu hoxe martes ao inicio das obras de remodelación da pista de atletismo de Castrelos que rematarán previsiblemente a finais de xuño. O orzamento alcanza os 137.257 euros e o proxecto respecta o trazado que xa existe.