martes, 29 abr 2003
A presentación do libro "Os nenos de San Francisco", do fotógrafo Ricard Terré, o mércores 30 de abril ás 20:00 horas inaugura a axenda de actos en Verbum-Casa das Palabras. A iniciativa insírese na concepción do museo como un espacio aberto á participación e ao debate das máis diversas propostas e colectivos. O concelleiro de Cultura, Carlos Príncipe, acompañado do autor, percorrerá a obra dedicada aos meniños que asisten ao Centro de Educación Especial San Francisco.
venres, 25 abr 2003
O alcalde, Lois Castrillo, e o concelleiro de Cultura, Carlos Príncipe, inauguran as instalacións do novo centro museístico sobre a comunicación humana.
xoves, 24 abr 2003
As actuacións do Ballet Español de Murcia e da Bojnami Danza conmemoran, por primeira vez na cidade, o Día Internacional da Danza. Unha mesa redonda completa o programa de actos, organizados polo Concello en colaboración coa Asociación Galega de Profesionais da Danza, o 29 e 30 de abril no Auditorio Municipal. O concelleiro de Cultura, Carlos Príncipe, presentou a iniciativa como un primeiro paso cara á integración da danza na oferta cultural de calidade en Vigo.
xoves, 24 abr 2003
O concelleiro de Cultura subliñou o compromiso do Nobel de Literatura José Saramago de formar parte do comité de expertos do museo. Xunto a Saramago, figuran como asesores de Verbum os escritores Francisco Fernández del Riego, Víctor Freixanes e Rosa Regás, mailos xornalistas Manuel Toharia, Xosé Cermeño e Carlos Luis Rodríguez.
mércores, 23 abr 2003
O "comité de expertos" do Verbum Casa das Palabras celebrará a súa primeira reunión o venres 25 a partir das 10:00 na sede do museo en Samil. O comité está formado por Francisco Fernández del Riego, Víctor Fernández Freixanes, Manuel Toharia Cortés, Rosa Regás Pagés, Xosé Cermeño Baraja e Carlos Luis Rodríguez. O comité ten como finalidade asistir ó principio do museo sobre a comunicación humana.
martes, 22 abr 2003
A exposición "Natureza. Contexto e obra de Camilo Nogueira" que se exhibe actualmente na sala de exposicións temporais do museo municipal "Quiñones de León", prorrógase ata o vindeiro 3 de maio superadas amplamente as expectativas de visitantes. Case mil persoas visitaron a exposición dende o pasado 17 de marzo.
mércores, 16 abr 2003
Verbum é un museo interactivo sobre a comunicación humana, deseñado como un espacio cultural, lúdico e divulgativo no que se pode participar dun modo activo nos elementos expositivos.
luns, 14 abr 2003
Víctor Freixanes, director da editorial Galaxia, presentou a nova etapa de revista Grial que cumple corenta anos. Freixanes estivo acompañado por Henrique Monteagudo, con que comparte a dirección, por Francisco Fernández del Riego, Jaime Isla Couto e o polo concelleiro de Cultura, Carlos Príncipe.
venres, 11 abr 2003
O concelleiro de Cultura, Carlos Príncipe, e o presidente da Asociación Galega de Artistas Visuais, Manuel Quintana, abriron a exposición de obras doadas polos autores á Plataforma Nunca Máis para a súa poxa.
venres, 11 abr 2003
A primeira das mostras trata sobre o deseño de obxectos e titúlase "Prototipos". Permanecerá aberta ata o 4 de maio.