A entidade colaborará con 420.000 euros no financiamento de actividades como o festival Are More, o de Música Sacra, exposicións e ciclos de conferencias
luns, 21 xuñ 2004
A alcaldesa de Vigo, Corina Porro, e o director xeral de Caixa Galicia e vicepresidente da fundación desta entidade, José Luis Méndez, asinaron hoxe un convenio de colaboración cultural a través do cal a Caixa Galicia colabora na financiamento da programación cultural do Concello con un importe de 420.000 euros.
luns, 21 xuñ 2004
O conservatorio superior de música de Vigo acolle o martes un concerto de piano a cargo de Wilhem Latchoumia dentro do programa do ciclo de música "Xeración 2000+4" que organiza a concellería de Cultura. A cita será ás 20.30 horas, a entrada é libre ata completar a capacidade.
mércores, 16 xuñ 2004
A Biblioteca Central , situada no Casco Vello, organiza os meses de xullo e agosto unha actividade co nome de "Bibliocampamento" destinado a nenos e nenas de 4 e 9 anos.O programa inclúe contos, xogos, e manualidades. As actividades son gratuítas.
venres, 11 xuñ 2004
A "Patrulla Águila", equipo de demostración acrobática do Exército do Aire, realizará o domingo, día 13, ás 13:00 unha exhibición aérea que organiza a Concellería de Cultura.
mércores, 9 xuñ 2004
A "Patrulla Ágila" do Exército do Aire realizará o venres ás 13:00 un ensaio na praia de Samil da exhibición aérea que terá lugar o domingo 13 de xuño e que organiza a Concellería de Cultura.
mércores, 9 xuñ 2004
Coa actuación da pianista Grace Nikane o xoves, día 10, continua a programación do ciclo de música de novos intérpretes Xeración 2000+4 que organiza a concellería de Cultura co patrocinio de CaixaGalicia. O concerto terá lugar ás 20:30 horas no salón do conservatorio superior de música de Vigo.
mércores, 9 xuñ 2004
O Concello iniciará os tramites para a cesión dos locais dunha escola taller municipal situada na rúa Mestres Goldar número 22 para a creación do "Fogar do Músico". Este compromiso asumiuno a alcaldesa, Corina Porro, no transcurso dunha reunión que mantivo esta mañá con representantes da Federación de Bandas Populares de Música, representantes das Corais e da orquestra Sinfoneta. Na reunión a alcaldesa estivo acompañada polo concelleiro de Cultura, Ignacio López Chaves.
luns, 7 xuñ 2004
A Biblioteca Central amplía o seus horarios de apertura desde o 7 e ata o 30 de xuño por mor da época de exámenes. Deste xeito o novo horario será ate as 22 horas de luns a venres e de 16 a 21 horas os sábados .
venres, 4 xuñ 2004
O Renacemento o Barroco centran novamente o repertorio do ciclo de Música Sacra que organiza a concellería de Cultura co patrocinio da Fundación CaixaGalicia. Os concertos terán lugar os días 12, 19 e 21 de xuño ás 21.00 horas na concatedral San María de Vigo, con entrada libre ata completar a capacidade.
xoves, 3 xuñ 2004
A alcaldesa de Vigo en calidade de presidenta da Fundación Laxeiro, Corina Porr e o presidente da Deputación Provincial de Pontevedra, Rafael Louzán, asinaron esta mañá un convenio que permitirá promover e difundir a obra do artista José Otero Abeledo, Laxeiro, e apoiar o traballo dos novos talentos galegos a través dunha achega de 24.000 euros. Este acordo permitirá o desenvolvernento de actividades culturais como exposicións, obradoiros didácticos e actividades divulgativas que teñen por obxectivo dinamizar a vida cultural e artística da provincia de Pontevedra.
