luns, 20 feb 2006
O Concello e a Xunta colaborarán para o desenvolvemento dun programa integral de atención, orientación e asesoramento a inmigrantes e emigrantes retornados a Vigo, que ten coma finalidade facilitar a integración social deste colectivo. A alcaldesa, Corina Porro e o conselleiro de Presidencia, Administracións Públicas e Xustiza, José Luis Méndez Romeu, asinaron o sábado pasado un convenio con este obxectivo.
luns, 20 feb 2006
A concelleira de Benestar Social, Marta Iglesias, presentou os talleres de formación en prevención de drogodependencias para pais e nais de xuntas directivas das ANPAs e para orientadores de centros de ensino. Estas accións formativas intégranse dentro do convenio para o desenvolvemento de programas de prevención, que o Concello ten asinado para o curso 2005-2006 coa consellería de Sanidade da Xunta- Comisionado do Plan de Galicia sobre Drogas.
luns, 6 feb 2006
A alcaldesa, Corina Porro, mantivo hoxe luns no Concello unha entrevista coa secretaria xeral de Benestar Social da Vicepresidencia da Xunta de Galicia, María Jesús Lago, para tratar temas como a creación dun centro de emerxencia social e a posta en marcha do Plan Director de Equipamentos.
mércores, 18 xan 2006
A concelleira de Benestar Social, visitou hoxe mércores o Centro de Redución do Dano para Usuarios de Drogas (CEREDA), situado nas inmediacións da praza de España e que vén de presentar a memoria das súas actividades de 2005.
martes, 17 xan 2006
As obras de acondicionamento do edificio Atalaia, de cara á posta en marcha dun centro de día con 40 prazas para persoas maiores, iniciaranse nos próximos días, segundo informou a concelleira de Benestar Social, Marta Iglesias.
mércores, 4 xan 2006
A concelleira delegada de Participación Cidadá e Benestar Social, Marta Iglesias, agasallou hoxe mércores no Concello os representantes de varias empresas e asociacións de Vigo, en recoñecemento á súa colaboración na campaña "Unha bici, un sorriso", de recollida, reparación e entrega de bicicletas usadas a nenos desfavorecidos.
xoves, 22 dec 2005
Os Servizos Sociais do Concello de Vigo e o futbolista Míchel Salgado distribuirán este Nadal 700 xoguetes aos nenos necesitados a través de diversas asociacións. A iniciativa, chamada "Ningún neno sen xoguete", partiu do xogador do Real Madrid.
xoves, 22 dec 2005
O Concello colabora coa Fundación Menela na programación da exposición "Achégate ás persoas con autismo" que se presentou hoxe xoves, 22 de decembro.
venres, 16 dec 2005
Co gallo da reunión do Consello Local de Accesibilidade mantida hoxe venres, a Área de Discapacidade da Concellaría de Benestar Social presenta o informe das actividades que realizou durante 2005.
martes, 13 dec 2005
Durante os días 14, 15, 16 e 17 de decembro terá lugar a IX edición da campaña "DE BOA MAN", de divulgación de productos realizados por persoas con discapacidade. A campaña promovida pola concellería de Benestar Social e financiada pola Obra Social de Caixa Galicia, estará instalada na rúa Príncipe, esquina Velázquez Moreno.
