xoves, 25 mar 2010
A concelleira de Benestar Social, María Méndez, destacou este xoves que nove persoas participan no Programa Vía de transición á vida autónoma, que se desenvolve en dous pisos. A edil sinalou que se trata dun recurso novidoso, que se puxo en marcha en xuño do ano pasado, co obxectivo de ampliar os programas municipais destinados a integración das persoas en risco de exclusión social.
xoves, 18 mar 2010
O tenente de alcalde, Santi Domínguez, salientou este xoves que a eliminación das barreiras arquitectónicas converte a Vigo nunha cidade "máis igualitaria, máis xusta e máis solidaria". Na inauguración das obras do Plan de Accesibilidade, que supuxo a eliminación das barreiras arquitectónicas en 28 equipamentos municipais cun investimento superior aos 2 millóns de euros, o concelleiro anunciou que nos fondos procedentes do Plan FEIL para este ano tamén se destinará unha partida para completar este proceso de promover a mobilidade das persoas con discapacidade.
mércores, 17 mar 2010
A concelleira de Benestar Social, María Méndez, participou este mércores na clausura dos actos que conmemoran o 25 aniversario da creación de CEDRO. Na súa intervención, a concelleira salientou a atención integral e especializada que ofrece o equipo de profesionais desta unidade asistencial dende a súa creación en 1985 no ámbito das drogodependencias.
martes, 16 mar 2010
O Centro Social Caixanova acolle, o mércores 17 de marzo, un acto institucional no que se conmemora o 25 aniversario do inicio das actividades de CEDRO – Unidade Asistencial de Drogodependencias Unidade de Día- .<br />
mércores, 10 mar 2010
A concelleira de Benestar Social, María Méndez, anunciou este mércores que o seu departamento conta cun novo servizo de tradución e interpretación destinado ás persoas inmigrantes, que xa comezou a funcionar a semana pasada na propia Oficina Municipal de Inmigración e nas unidades de traballo social (UBAS). A edil salientou que ao longo do 2009 esta oficina atendeu un total de 1.044 persoas, especialmente para tramitar os permisos de residencia, traballo, visados, adquisición de nacionalidade e reagrupamento familiar. A poboación estranxeira censada en Vigo é de 17.370 persoas, un 5,8% da poboación total. <br />
martes, 9 mar 2010
A concelleira de Benestar Social, María Méndez, fixo este martes balance do programa Sereos para a redución do dano correspondente ao 2009, ano no que foron atendidas 633 persoas nun total de 85.860 intervencións. A edil destacou a importancia do "traballo en rede" que se está a desenvolver na Concellería de Benestar Social para dar resposta ao problema da exclusión social.
xoves, 4 mar 2010
A concelleira de Benestar Social, María Méndez, afirmou este xoves que o servizo de atención primaria que presta o departamento que dirixe realizou 29.198 intervencións no 2009, atendendo 22.966 usuarios novos. Asemade, a concelleira avanzou que ao longo do ano incrementarase o número de traballadoras sociais co obxectivo de reforzar o servizo e atender a demanda existente.
martes, 2 mar 2010
A Concellería de Benestar Social do Concello de Vigo destina este ano 2.550.000 euros, un millón máis en relación co 2009, ao Servizo de Axuda no Fogar destinado a persoas maiores e dependentes da cidade, segundo anunciou hoxe a edil titular da mencionada área, María Méndez, durante a presentación do balance do SAF, que deu cobertura o ano pasado a un total de 636 persoas, das que 486 foron mulleres e 150 homes.
xoves, 25 feb 2010
A concelleira de Benestar Social, María Méndez, presentou este xoves a memoria do ano 2009 do programa de intervención familiar, que ten por obxectivo detectar e previr os factores de risco en menores. Destacou que o ano pasado neste programa, que conta cun orzamento de 505.000 euros, participaron 414 familias, cun total de 1.478 persoas das que 680 eran menores.
mércores, 24 feb 2010
A concelleira de Benestar Social, María Méndez, explicou este mércores que esta semana se abrirá o prazo de solicitude das axudas para optar ao servizo do bono-taxi, tras a súa publicación mañá ou o venres no Boletín Oficial da Provincia. A concelleira salientou que o orzamento da actual convocatoria é de 72.000 euros e 160 beneficiarios poderán cobrar ata un máximo de 450 euros cada un para gastar ao longo do ano.
