Abel Caballero acudiu esta mañá á presentación en Madrid da terceira edición do certame, na que a Porta do Sol de Vigo acollerá do 13 de xuño ao 14 de xullo o pavillón temporal de TAC!
A entrada en funcionamento do Halo, a pasada fin de semana, atraeu o interese das 25.000 persoas que pasearon polo novo elemento do Vigo Vertical que comunica a rúa de García Barbón con Vía Norte; a zona máis próxima ao mar coa parte alta da cidade. “O nivel arquitectónico é único, dunha beleza excepcional”, afirmou Abel Caballero ao destacar que o Halo “vertebra” á cidade e favorece a mobilidade.
O goberno municipal súmase este domingo, 18 de febreiro, á conmemoración do Día Internacional da Síndrome de Asperger iluminando de azul as fontes da rúa Aragón, co obxectivo de dar visibilidade ao colectivo e reivindicar o exercicio efectivo dos dereitos das persoas que sofren esta síndrome a das súas familias.
Abel Caballero avanzou este venres que a Xunta de Goberno aprobou o aumento das subvencións que reciben as fundacións Érguete e Da Santa Cruz. Tamén sinalou que esta semana se deron o visto e prace a 96 novas axudas de emerxencia.
Abel Caballero avanzou este xoves que mañá venres, a partir das 12 da mañá, a cidadanía viguesa poderá utilizar o ascensor HALO que une a zona de García Barbón coa de Vía Norte, sumando este novo elemento mecánico ao corredor que discorre desde Areal ata o Barrio de Ribadavia conectando desde a parte alta da estación de Vialia. A obra está cofinanciada polo Goberno de España a través do Plan de Recuperación, Transformación e Resiliencia dotado cos fondos europeos Next Generation EU. A nova infraestructura do Vigo Vertical conecta dúas áreas da cidade na que residen máis de 100.000 persoas.
Abel Caballero reuniuse este mércores cos directivos de Vodafone, Jesús Lombardero, Jose Suárez e Severino Castromán, responsables das áreas de empresas, da dirección territorial da zona norte, e das contas das administracións públicas de Galicia, respectivamente. Estes explicaron ao alcalde que a compañía conta en Vigo cun centro operativo que ofrece cobertura para a área norte e centro de España, que está atendido por 150 técnicos.
O Concello súmase á conmemoración do Día Internacional do Cancro Infantil, que se celebra este xoves 15 de febreiro, iluminando de dourado as fontes da rúa Aragón. Así o anunciou hoxe o alcalde Abel Caballero.
O Instituto Feiral de Vigo acolle a próxima fin de semana a décimo terceira edición do Salón Retro Galicia Auto&Moto, segundo avanzou este mércores Abel Caballero.
A corporación municipal de Vigo, responsables da Comandancia da Garda Civil, e da comisaría do Corpo Nacional de Policía gardaron este luns un minuto de silencio en recordo dos dous membros da benemérita falecidos a fin de semana en Barbate, e en apoio ás súas familias. O alcalde Abel Caballero trasladou ás familias "o noso agarimo e noso pésame", á vez que recoñeceu "ás forzas e corpos da seguridade do Estado o seu traballo permanente en todo o país".
A corporación municipal de Vigo aprobou no pleno extraordinario deste luns, cos votos a favor dos concelleiros dos grupos municipais do PSdeG-PSOE e do BNG, a moción do Goberno municipal que expresa o rexeitamento á actitude do presidente da Xunta, así como o trato discriminatorio á cidade, e a falta de cooperación da administración autonómica ao financiamento da remodelación de Balaídos. Os concelleiros do PP votaron en contra de censurar a ausencia de apoio económico do goberno de Alfonso Rueda ao estadio municipal.