Abel Caballero destacou hoxe, no acto conmemorativo do 75 cabodano de Alfonso Daniel Rodríguez Castelao organizado polo IES que leva o nome do intelectual galeguista, que “en Vigo celebraremos con entusiasmo o ano de Castelao” a través dun programa que contempla numerosas actividades para lembrar a súa figura e a súa obra.
Abel Caballero anunciou este martes a aprobación dunha batería de axudas para rehabilitar un total de 28 inmobles por 607.000 euros en sete ámbitos da cidade. Lembrou que o Goberno de España concedeu 6,4 millóns a Vigo para rehabilitar vivendas.
O alcalde mantivo un encontro este martes coa alcaldesa pedánea de Bembrive para abordar o proxecto da autovía A52 e a necesidade de que as familias afectadas vexan “recoñecidos os seus dereitos”.
O alcalde informou este luns do desenvolvemento da tramitación para a reforma da bancada do Estadio Municipal de Balaídos, unha obra que será compatible co uso das pistas de atletismo.
Caballero defendeu esta mañá a “calidade excepcional” da exposición que desde hoxe exhibe 73 fotografías doutros tantos profesionais galegos. A mostra permanecerá aberta na Casa das Artes ata o 28 de febreiro.
O Concello súmase á conmemoración do Día Mundial de Concienciación da Enfermidade de Kawasaki coa iluminación este venres das fontes de Aragón de cor vermella. A xornada quere servir para alertar sobre as graves consecuencias que pode ser a enfermidade se non se detecta e trata a tempo. A enfermidade de Kawasaki afecta principalmente a menos de cinco anos e arredor do 25% dos nenos que non son tratados a tempo sofren secuelas cardíacas, sendo a principal causa de cardiopatía adquirida en nenos.
O Concello presentou este xoves en Fitur a proposta turística de Vigo para o ano 2025 baixo o lema “Vigo, cidade única no mundo”. Este ano “batemos récord e o próximo queremos bater máis”, adiantou Caballero.
O goberno municipal adxudicou este venres o segundo lote das novas obras de humanización programadas en parroquias de Vigo. “Contratamos as obras de 14 rúas de 10 parroquias”, explicou o alcalde ao anunciar que en marzo comezará a substitución do empedrado da rúa Doutor Cadaval por asfaltado pulido.
Abel Caballero trasladou este xoves aos protagonistas do mundo do cinema na presentación da Vigo Film Office na Feira Internacional de Turismo que "queremos que esteades na cidade” para incrementar o número de rodaxes. No 2024 un total de 50 producións converteron á urbe nun gran escenario para películas, documentais e anuncios. “Vigo é cinema porque toda a nosa historia é un guión que todos os vigueses creamos cada día”, e "todo o que un director quere para rodar está en Vigo", recalcou o alcalde.
O Concello expuxo no stand de Turespaña a súa oferta turística “única no mundo” da man de embaixadores como Carlota Corredera, Rodolfo Irago e Pepe Solla. Os xornalistas Luis García e Paula Montes conduciron o acto que clausurou o alcalde da cidade. “Países enteiros quererían ser Vigo”, afirmou Abel Caballero.