mércores, 23 feb 2011
O alcalde de Vigo, Abel Caballero, e o reitor da Universidade de Vigo, Salustiano Mato, presentaron este mércores as actividades co que a cidade inicia os actos de conmemoración desta efeméride en Galicia. O próximo sábado, 26 de febreiro, celebrarase o acto central, con representacións musicais e teatrais, e toda a semana, desde hoxe, a Praza da Constitución acolle textos traducidos a 15 idiomas para a cidadanía.
mércores, 23 feb 2011
O alcalde de Vigo entrevistouse este mércores cos responsables do xigante chinés, que acaban de introducirse na industria do área viguesa coa adquisición da empresa Censa, en Porriño. Caballero valorou esta entrada de capital estranxeiro como unha "oportunidade moi importante" para o terretorio cun "alcance difícil de medir". O rexedor enfatizou que esta gran compañía quere afianzarse no área metropolitana viguesa e avogou por traballar en conxunto para consolidalo.
mércores, 23 feb 2011
O alcalde de Vigo, Abel Caballero, visitou este mércores a factoría de compoñentes para a automoción, onde acordaron traballar en conxunto para que os elementos de seguridade no automóbil que ensamblan en Vigo poidan incorporarse aos novos modelos da planta de Balaídos de PSA. Ademais, Caballero anunciou que buscarán o respaldo do Ministerio de Ciencia a tres proxectos innovadores que impulsa a terceira empresa da cidade.
mércores, 23 feb 2011
O alcalde de Vigo explicou este mércores que o PXOM de Vigo será modificado para adecualo á decisión municipal de habilitar un paseo verde de 3 quilómetros no espazo que ocupa actualmente as vías ferroviarias ata Urzáiz. Abel Caballero advertiu que o Plan contemplaba a entrada do AVE en superficie, "partindo a cidade en dous", pero a consecución do túnel de acceso permite liberar a zanxa e empregar o espazo para uso cidadá.
martes, 22 feb 2011
O alcalde de Vigo, Abel Caballero, e os responsables da institución acordaron este martes abordar tres opcións para ampliar o número de prazas dispoñibles, actualmente sobre as 500. As alternativas que vanse estudar son a ampliación da sede nun solar colindante, habilitar un local anexo noutro punto da cidade ou a construción dun novo edificio. "Chegou o momento" de atender á "elevadísima demanda" que presenta o Conservatorio Profesional, apuntou Caballero.
martes, 22 feb 2011
Tras unha reunión coa directora de Peinador, Noelia Martínez, Abel Caballero informou que o plan estratéxico a cinco anos para o aeroporto vigués contempla "consolidar" a Vigo como terminal internacional, con conexións a Londres, Frankfurt e un aeródromo de Italia para este mesmo ano e próximas con Munich e Milan, ademais de reforzar os voos co levante español e as Illas Canarias. O alcalde anunciou asemade traxectos do autobús urbano a Peinador de acordo aos horarios dos voos e o estudo para conectar o aeroporto cos municipios do entorno.
martes, 22 feb 2011
O alcalde de Vigo confirmou este martes que o aeroporto de Vigo poderá operar as 24 horas do día desde finais deste ano, cando o control estea concesionado de acordo coa nova lexislación aeroportuaria. Desde entón, as empresas de transporte de mercancías poderán ter Peinador aberto a calquera hora, previo aviso con 12 horas de antelación. Con esta medida preténdese dar resposta ao incremento das mercancías rexistradas no aeroporto vigués nos meses de xaneiro e febreiro.
luns, 21 feb 2011
Cristina Garmendia presidiu este luns a botadura do Ramón Margalef, o novo buque oceanográfico do IEO, que conta cun gran equipamento tecnolóxico e posibilitará considerables avances nas ciencias do mar. No astaleiro Armón, o evento reuníu na cidade ao delegado do Goberno en Galicia, Antón Louro, ao conselleiro de Industra, Javier Guerra, e ao alcalde de Vigo, Abel Caballero, entre outras autoridades.
venres, 18 feb 2011
Vigo acolleu hoxe venres unha xornada de traballo e preparación da candidatura viguesa ao proxecto Civitas, dotado con 9 millóns de euros, dos que 4,5 serían para a cidade olívica. Segundo explicou o alcalde, Abel Caballero, a factoría de Citroën e a Universidade de Vigo tamén participan no proxecto que Vigo encabeza xunto aos municipios de Eskisehir, en Turquía, e Bournemouth, na Gran Bretaña. O 4 de abril, data límite de presentación, Vigo oficializará a súa proposta.
venres, 18 feb 2011
Abel Caballero anunciou este venres o envío dunha carta ao presidente da Xunta de Galicia, Alberto Núñez Feijóo, instándolle a negociar coa concesionaria a retirada da peaxe da AP-9 no tramo desde Bos Aires ata a finalización da autopista, en Isaac Peral e en Alfonso XIII. O Concello considera que é un tramo de uso urbano e a liberalización, "central" para as mercancías, "resolve o problema do transporte na cidade e do transporte pesado".