Abel Caballero informou hoxe venres da recepción dunha carta do ministro de Fomento, José Blanco, que lle comunica que o Porto de Vigo e o AVE Vigo-Ourense por Cerdedo están incluídos na Rede Transeuropea de Transportes. Tal e como viña solicitando, o alcalde indicou que por vía corrección de erros subsánase estas ausencias.
O alcalde, Abel Caballero, adiantou este venres que os servizos xurídicos municipais estudan fórmulas para reclamar por vía xudicial á Deputación de Pontevedra os 450.000 euros da débeda contraída co Museo MARCO de Vigo, os 90.000 euros coa Fundación ProVigo e os 81.000 euros coa Fundación Axencia Intermunicipal da Enerxía de Vigo (FAIMEVI). O rexedor recordou que é unha "obrigación" do ente provincial coas devanditas institucións.
O alcalde, Abel Caballero, recibiu este xoves á dirección galega da entidade, que está a implantarse en Galicia a través de Vigo co obxectivo de divulgar os síntomas da enfermidade e dar apoio ás familias dos afectados. O rexedor sinalou que en 10 ou 20 días terá lugar a presentación pública da actividade desta Fundación nas propias dependencias municipais.
Este martes, AENA procedeu ao levantamente das actas previas á ocupación dos terreos afectados polo Plan Director de Peinador, "o futuro" do aeroporto vigués que inclúe o novo aparcamento de 2.500 prazas xa rematado e as obras "moi avanzadas" para a nova terminal de pasaxeiros. Caballero subliñou ademais que este trámite permitirá saldar a débeda que ven "de anos atrás" cos comuneros de Cabral, por valor de 7,2 millóns.
Abel Caballero anunciou este xoves o envio dunha carta ao Comisario europeo da Competencia, Joaquin Almunia, indicándolle que sería un "gravísimo erro" rexeitar a alternativa española ao sistema fiscal do tax lease, e causaría un "dano irreparable" no naval vigués. Para o alcalde, Almunia está "obrigado" a aceptalo ou a propor unha alternativa transitoria que permita aos astaleiros continuar operando ata a resolución definitiva do conflicto.
O alcalde e presidente da Fundación explicou este mércores que o eixo central da actividade de ProVigo será traballar na reactivación económica da cidade, para o que crearanse sendas comisións técnicas e sectoriais para gañar "dinamismo". O plan estratéxico da entidade, que nomeou a José Manuel García Orois como novo xerente, procurará manter as "contas positivas" e actuará en base á "austeridade".
O Goberno municipal, co alcalde á cabeza, recibiu esta tarde ao ministro de Xustiza, Francisco Caamaño, nun encontro no que se fixo un repaso as dotacións xudiciais da cidade. O rexedor "agradeceu" ao membro do Goberno de España a súa implicación coa cidade lembrando a posta en marcha de reinvindicacións históricas en Vigo como o Xuzgado e o Rexistro Mercantil.
Tras unha entrevista co Reitor celebrada hoxe xoves, o alcalde de Vigo explicou que o goberno está a finalizar a distribución do edificio municipal de Areal e avanzou que ofertará á Universidade un espazo no devandito inmoble para o establecemento do Reitorado. Abel Caballero acordou con Salustiano Mato a participación municipal nun proxecto formativo vencellado ao Campus do Mar.
O alcalde de Vigo recibiu hoxe mércores aos organizadores do Congreso de Tecnoloxías de Aprendizaxe do Ensino da Electrónica, que celebrarase na cidade no mes de xuño de 2012. Caballero manifestou o "gran interese" que ten este evento para Vigo por centrar na urbe á investigación internacional do ensino técnico da electrónica e garantiu "cooperación" institucional.
O alcalde vigués, Abel Caballero, deulle esta mañá a benvida á cidade a Pascual Savouret, novo director da Axencia Europea de Pesca, destacando a súa traxectoria profesional no control pesqueiro no ámbito da UE. Ao acto tamén asistiron Francisco Fonseca, director Executivo da Axencia Comunitaria de Control da Pesca; Alejandro Polanco, director de Recursos Pesqureos da Secretaría Xeral do Mar; e Rosa Quintana, conselleira do Mar.