A FEMP reclama a urxente modificación do teito de gasto en base a criterios de eficiencia
"Queremos gastar en 2018 cunha regra que prime o aforro e a eficiencia en teito de gasto", sinalou o presidente da FEMP, Abel Caballero. Así o solicitou hoxe martes en Madrid, logo dunha reunión organizada na sede da Secretaría de Estado de Orzamentos e Gastos.
![1505839793FEMP.jpg 1505839793FEMP.jpg](https://xornal.vigo.org/storage/xornal-historico/medi/xornal/noticias/imx/opt/1505839793FEMP.jpg)
"Pedimos un cambio de forma rápida" no actual sistema de teito de gasto, "un cambio que substitúa ao actual que "nos incentiva a gastar para non ser penalizados". Así o subliñou o presidente da FEMP, tras a reunión que esta mañá mantivo o grupo de traballo de Teito de Gasto na sede da Secretaría de Estado de Orzamentos e Gastos, un encontro no que tamén participaron como representantes da FEMP os alcaldes de Huelva, Gabriel Cruz; de Fuenlabrada, Manuel Robles; de Mieres, Aníbal Vázquez; de Badajoz, Francisco Fragoso e a alcaldesa de Cáceres, Elena Nevado.
Caballero reiterou que o actual sistema, que calcula orzamento liquidado sobre orzamento liquidado, penaliza a aquelas entidades locais que aforran ou que non chegan a realizar algún gasto concreto. Por isto, a representación local pediu que o cálculo se faga sobre o orzamento inicialmente aprobado e que, ademais, a efectos de teito de gasto non se tomen en consideración gastos como as cofinanciacións europeas, nin tampouco outros gastos "que ocorren unha vez e para sempre", como axustes de sentenzas ou os rescates da execución de obra pública, por exemplo.
"Queremos que as decisións de racionalización de teito de gasto se tomen xa e se tomen en función da eficiencia. Queremos entrar en 2018 con estas decisións xa adoptadas" porque, insistiu o presidente, pódense adoptar de xeito rápido na medida en que non esixen cambios lexislativos, senón que se trata de normas de Intervención Xeral do Estado que se poden aplicar de xeito inmediato.
O presidente indicou que a representación local achegou ao grupo un documento coas súas propostas e que en dous días achegará outro documento con máis observacións e insistiu no interese dos alcaldes en celebrar unha nova reunión de grupo, a ser posible, este mesmo mes de setembro.
A reunión deste martes estivo presidida polos secretarios de Estado de Orzamentos e gastos, Alberto Nadal, e de Facenda, Enrique Fernández Moya.
Alcaldes ante o 1-0
En declaracións aos medios de comunicación, Caballero amosou o "apoio e o afecto" da FEMP aos alcaldes de Cataluña que están a ser presionados e sinalados por manifestar a súa postura de respecto á legalidade e á Constitución fronte ao referéndum do 1-0. A este respecto, incidiu en que "votar non é sinónimo de democracia", a democracia consiste en "votar con garantías, votar dentro da lei e votar dentro da Constitución e das normas".
Descargar todas as imaxes
Caballero reiterou que o actual sistema, que calcula orzamento liquidado sobre orzamento liquidado, penaliza a aquelas entidades locais que aforran ou que non chegan a realizar algún gasto concreto. Por isto, a representación local pediu que o cálculo se faga sobre o orzamento inicialmente aprobado e que, ademais, a efectos de teito de gasto non se tomen en consideración gastos como as cofinanciacións europeas, nin tampouco outros gastos "que ocorren unha vez e para sempre", como axustes de sentenzas ou os rescates da execución de obra pública, por exemplo.
"Queremos que as decisións de racionalización de teito de gasto se tomen xa e se tomen en función da eficiencia. Queremos entrar en 2018 con estas decisións xa adoptadas" porque, insistiu o presidente, pódense adoptar de xeito rápido na medida en que non esixen cambios lexislativos, senón que se trata de normas de Intervención Xeral do Estado que se poden aplicar de xeito inmediato.
O presidente indicou que a representación local achegou ao grupo un documento coas súas propostas e que en dous días achegará outro documento con máis observacións e insistiu no interese dos alcaldes en celebrar unha nova reunión de grupo, a ser posible, este mesmo mes de setembro.
A reunión deste martes estivo presidida polos secretarios de Estado de Orzamentos e gastos, Alberto Nadal, e de Facenda, Enrique Fernández Moya.
Alcaldes ante o 1-0
En declaracións aos medios de comunicación, Caballero amosou o "apoio e o afecto" da FEMP aos alcaldes de Cataluña que están a ser presionados e sinalados por manifestar a súa postura de respecto á legalidade e á Constitución fronte ao referéndum do 1-0. A este respecto, incidiu en que "votar non é sinónimo de democracia", a democracia consiste en "votar con garantías, votar dentro da lei e votar dentro da Constitución e das normas".