mércores, 7 dec 2011
O alcalde acudiu hoxe mércores a visitar as obras de construcción do pavillón polideportivo de Candeán, financiado íntegramente polo Concello de Vigo cun importe de 2,3 millóns de euros. Esta infraestrutura "forma parte da política de construción de pavillóns e instalacións deportivas que estamos levando adiante", apuntou Caballero, quen adiantou que a inauguración será "o antes posible".
luns, 5 dec 2011
O alcalde de Vigo "non contempla a hipótese" de que institucións sociais como a clínica San Rafael ou os Hermanos Misioneres dos Enfermos pobres, entre outras, empecen a pagar o recibio de auga, despois de levar máis 20 exentos por ser institucións municipais. Logo de reunirse co responsable da clínica San Rafael, José Antonio Atienza, avanzou que "dará instrucións" para que non teñen que pagar "porque non creo que se teña producido nada que xustifique este cambio".
luns, 5 dec 2011
O alcalde de Vigo reuníuse este luns co novo xerente da Fundación ProVigo, José Manuel García Orois, quen defendeu "dar impulso" á entidade definindo os "temas de gran consenso" en Vigo nos que volcar a súa actividade. Orois transmitiu a Caballero que prácticamente todos os membros de ProVigo avogan por manter a actividade estratéxica da Fundación, que celebrará a reunión do seu Padroado o día 20 deste mes.<br />
venres, 2 dec 2011
Sesenta axentes foron condecorados esta mañá polo alcalde de Vigo, Abel Caballero, coincidindo coa celebración do Día da Policía. O Auditorio Municipal foi o escenario elixido para recoñecer a traxectoria de 30 axentes recién incorporados, 25 que levan outros tantos anos no servizo e outros 5 que se xubilaron este ano. Durante a súa intervención, Caballero "recoñeceu" o traballo deste corpo de seguirade, poñendo en valor a súa contribución na cidade.
venres, 2 dec 2011
O alcade de Vigo participou esta mañá na inauguración do Seminario Hacia un mercado hipotecario europeo. El Parlamento europeo decide, organizado no Auditorio Mar de Vigo. Na súa intervención nas xornadas, organizadas polo eurodiputado socialista Antolín Sánchez Presedo, Caballero sinalou a trascendencia deste encontro "xa que, entre outros temas, se decidirá sobre cuestións tan controvertidas como os mecanismos de establecemento das hipotecas" .
venres, 2 dec 2011
Abel Caballero achegouse hoxe ata a pista de xeo instalada na zona na que se organiza a festa de Coia. Cunha carpa de 40x20 metros e unha pista de 30x16, a deste ano "convértese na maior pista instalada nunca na cidade, bastante maior que a do ano pasado, exemplificou. O rexedor lembrou que para participar hai que ser maior de tres anos e que os 100 patinadores que como moito poden albergar as instalacións contan coa constante vixiancia de monitores. Engadiu que o tempo por sesión é de 45 minutos e haberá prezos especiais para grupos escolares.
venres, 2 dec 2011
A Xerencia de Urbanismo informou desfavorablemente o proxecto da Xunta de construír un parque eólico na Serra do Galiñeiro, espazo natural situado entre Gondomar, Mos, O Porriño e Vigo. Así o anunciou esta mañá o rexedor quen destacou que a proposta "é un disparate" porque estaba prevista nun espazo natural dotada coa maior protección.
xoves, 1 dec 2011
O alcalde de Vigo entrevistouse este xoves co anterior responsable da factoría de Balaídos de PSA na súa despedida, quen foi "capaz de ir mantendo o ritmo de producción e buscarlle un horizonte" á planta, conservando o seu peso dentro do grupo, conseguindo a fabricación de dous novos modelos e coa perspectiva de acoller en Vigo unha furgoneta eléctrica e outro vehículo.
xoves, 1 dec 2011
Abel Caballero mantivo unha entrevista con Mr. Ortolland, cónsul xeral de Francia para o Norte de España, quen lle transmitiu que a Autopista do Mar viguesa está na vía de resolución, pendente de "trámites administrativos". O alcalde tamén ofreceu ao cónsul o apoio municipal necesario cara ás eleccións xerais do país galo, que contará en Vigo cunha mesa electoral.
mércores, 30 nov 2011
O alcalde de Vigo e os representantes comarcais de UGT, CCOO e CIG mantiveron este mércores unha reunión para "pasar revisión á situación da cidade, do seu panorama económico e das dificultades que hai pola crise". Caballero revelou que estas entrevistas celébranse periódicamente para "compartir visións e cambiar opinións", e explicou que "temos unha magnífica relación coas tres centrais sindicais e queremos que siga a ser así".
