O vindeiro sábado 26 de marzo, a Asociación abordará neste congreso os problemas, aportes, desafíos e camiños posibles desde os campos político, histórico, económico e sociocultural, así coma as posibilidades legais e económicas das que dispón este colectivo para mellorar a difícil situación que padecen.
O alcalde de Vigo, xunto co de Nigrán, e a delegada do Consorcio da Zona Franca, entre outras autoridades, inauguraron este mércores as 40 naves para uso industrial, que están á vangarda da arquitectura industrial sostible ao tratarse da primeira construción industrial en España en recibir a certificación medioambiental europea Breeam. O parque empresarial Porto do Molle agarda atraer a unhas 200 compañías e xerar sobre 4.000 postos de traballo.
O alcalde de Vigo, Abel Caballero, e a xunta directiva da Fundación Vigueses Distinguidos acordaran semanas atrás celebrar este ano un acto en memoria daqueles falecidos, acto que este ano recordou e homenaxeou á figura do ilustrado Francisco Fernández del Riego. O obxectivo desta iniciativa é celebrarse anualmente, sendo a deste martes a primeira edición deste Memorial.
O alcalde asistiu hoxe martes á inauguración destas rúas de Teis onde anunciou que o Concello está a estudar a posibilidade de que ambas pasen a ser peonís. Abel Caballero lembrou tamén que, grazas ao Plan Urban, Teis recibiu 5 millóns de euros en investimentos xestionados polo Concello que serviron para transformar o barrio.
Coa participación de distintas autoridades municipais, como o alcalde, Abel Caballero, esta carreira popular tivo lugar onte domingo para sensibilizar á cidadanía da importancia da auga e para recaudar fondos para proxectos en Níger. Cada participante supuxo un euro que a Alcaldía de Vigo destinará á causa, cunha cantidade xa comprometida anteriormente de 6.000 euros.
O Instituto Feiral de Vigo encheuse onte domingo na terceira xornada do Festival para presenciar as actuacións das cinco corais polifónicas programadas, da Lira de San Miguel de Oia, Vla do Fragoso, Rueiro de Coia, Santa Clara de Lavadores e da SCD Atlántida de Matamá. O evento, organizado pola Asociación de Corais Polifónicas de Vigo (ACOPOVI) coa colaboración da Alcaldía de Vigo, voltará ao IFEVI o próximo domingo, 27 de marzo.
Abel Caballero acudiu hoxe venres á inauguración oficial da humanización de Pi y Margall, máis de 3 millóns de euros de investimento e máis de 5 quilómetros de redes soterradas renovadas, entre o abastecemento, o saneamento e as canalizacións de augas pluviais. O alcalde agradeceu "infinito" a "paciencia" dos veciños e disculpouse polos inconvintes dunha obra "moi complicada", que ao tempo xerou unha "gran cantidade de emprego".
Abel Caballero avanzou neste venres que as exencións do pago do imposto de vehículos por discapacidade supuxeron un aforro de 560.460 euros, ás que engadiu as máis de 823 exencións do 75% desta taxa para os vehículos ecolóxicos e outros 19 para os híbridos, cun aforro de 50.000 euros. O rexedor reiterou de novo o apoio municipal ao coche eléctrico e afirmou que estes non pagarán este imposto.
O alcalde de Vigo, Abel Caballero, anunciou este venres a decisión tomada pola Xunta de Goberno Local, celebrada na mañá de venres, que deu o visto e prace ao contrato asinado entre o Concello e a empresa Vortal S.L para a implantación da contratación electrónica. O alcalde destacou que a iniciativa é unha mostra máis da transparencia nas transaccións que, a partires de agora, serán máis seguras, máis simples e máis rápidas. O aforro estimado é dun millón de euros.
Abel Caballero explicou que a rebaixa do 70% terá carácter retroactivo desde o 1 de xaneiro e anunciou que non descarta reducir esta porcentaxe de rebaixa ao 90%. O obxectivo da medida, segundo indicou o alcalde, é dar apoio ao sector hostaleiro e ao emprego que xera na cidade polo momento económico que está a vivir.