Abel Caballero urxe unha comisión extraordinaria do Comité de Rutas para potenciar Peinador

xoves, 9 set 2010

O alcalde insiste en que esta plataforma ten que retomar "inmediatamente" as súas posicións de programación de rutas e de potenciación do aeródromo vigués. Caballero lembrou que se non se impulsa Peinador "estamos potenciando Oporto". O rexedor explicou o caso dos 250 alumnos vigueses becados polo Concello para estudar inglés no Reino Unido que viaxarán desde hoxe a través do Sá Carneiro.

O alcalde denuncia que "a Xunta está intentando enterrar o Área Metropolitana de Vigo" coas directrices de ordenación do territorio

mércores, 8 set 2010

Abel Caballero fixo hoxe mércores unha "denuncia pública" alertando de que o informe autonómico das Directrices de Ordenación do Territorio "fai desaparecer o Área Metropolitana de Vigo" e a transforma nun ente "menor", sen competencias nin personalidade xurídica. O Concello alegou contra as directrices e Caballero anuncia que seguirá reclamando o Área para a cidade olívica.

Caballero garante aos traballadores de limpeza dos colexios públicos que a nova empresa cumprirá coas condicións laborais conveniadas

martes, 7 set 2010

O alcalde de Vigo entrevistouse este martes co Comité de Empresa dos traballadores de limpeza dos colexios públicos de Vigo, reunión na que trasladáronlle a Caballero a súa inquedanza ante o novo concurso convocado. O rexidor municipal garantiu que a nova empresa asumirá aos actuais empregados -preto de 100 persoas- e respectará as condicións laborais recollidas no seu convenio.

Puri del Palacio achega á Alcaldía a colección "Divertimentos de academia"

martes, 7 set 2010

Dentro do ciclo "Mostrarte" Abel Caballero presentou a exposición que cualificou coma "unha lección maxistral de pintura" e na que a artista amosa o seu amor pola academia pero tamén pola forma, polo debuxo, a parte lúdica da pintura e a experimentación. O rexedor confía en que o espazo público da Alcaldía teña cada vez "máis sensibilidade artística"

Caballero insta aos vigueses a encher o teatro Caixanova no Festival de Humor Solidario por Paquistán

venres, 3 set 2010

O evento terá lugar o domingo 5 de setembro as 19:00 horas, con entradas que oscilan entre os 8 e 15 euros, e que pretenden tender unha man a un país devastado polas inundacións. O acto, promovido por Unicef, conta co apoio da Alcaldía, Caixanova e coa colaboración de diversas entidades de Vigo coma a AAVV Calvario e a de artistas da talla de Moncho Borrajo, o paiaso Popín, Oswaldo Digón, Rudi Dudi, Alberto Cunha...

O alcalde garante o apoio económico necesario para que a Rede de Mulleres contra os Malos Tratos poida seguir traballando en Vigo

venres, 3 set 2010

Abel Caballero e Rosa Fontaíña asinaron hoxe venres un convenio de colaboración que prorroga a cooperación do Concello coa entidade e abre a porta a unha amplicación da cantidade económica a aportar polo goberno local, no caso de ser preciso. Segundo explicou o alcalde, a Rede teme que a Xunta de Galicia reduza ou suprima a súa subvención a entidade, eventualidade que asumiría o Concello de Vigo.

Caballero asegura que o novo Auditorio de Beiramar estará listo este ano e será "un dos símbolos de Vigo"

xoves, 2 set 2010

O alcalde visitou este xoves os traballos de construción do Auditorio Pazo de Congresos de Beiramar, onde ratificáronse os prazos iniciais de finalización de obra, marcados para finais de ano. Caballero indicou que o edificio "está espertando unha gran atención" e conta cunha "demanda moi importante de congresos". "No mes de xaneiro empezaremos a gozar deste edificio", concluíu o socialista.

O alcalde trasladou "todas as garantias" ao Goberno de España para a instalación da factoría de baterías para o coche eléctrico

xoves, 2 set 2010

Abel Caballero explicou este xoves que trasladou a pasada semana ao Goberno de España "todas as garantías" de que Vigo conta no Porto Seco de terreos para a instalación dunha factoría de Mitsubishi de baterías eléctricas para automóbiles. O presidente do Goberno, José Luis Rodríguez Zapatero, viaxou a Xapón para tratar de confirmar esta ubicación, o que Caballero recoñeceu por "fixar a súa atención en Vigo e facer de embaixador" da cidade.