O Concello promove a campaña solidaria "Unha bici, un sorriso" para familias con poucos recursos
O goberno vigués impulsa un ano máis esta proposta solidaria, que recolle e repara as bicicletas doadas nos establecementos colaboradores para logo ser entregadas polo Concello ás familias con menos recursos. Abel Caballero anima aos vigueses e viguesas a ceder as bicis que non usen.
O alcalde de Vigo, Abel Caballero, presentou este mércores o programa municipal solidario "Unha bici, un sorriso", xunto a Antonio Montero e Álex Durán, en representación de A Golpe de Pedal e de Cromoly, respectivamente.
Trátase dunha iniciativa "moi especial", valorou o alcalde, quen explicou o seu funcionamento. As familias que queiran doar unha bici para as familias con menos posibilidades poden facelo nos establecementos colaboradores do programa, onde serán postas a punto, previo á súa entrega por parte do Concello de Vigo.
Abel Caballero recordou que este programa se leva adiante ao longo de todo o ano, non só no Nadal, e animou á cidadanía a doar esas bicicletas que xa non usan. O rexedor apuntou que foron recollidas case medio centenar durante este ano e Montero engadiu que mañá teñen previsto sumar outras trinta bicicletas máis.
Descargar todas as imaxes
Trátase dunha iniciativa "moi especial", valorou o alcalde, quen explicou o seu funcionamento. As familias que queiran doar unha bici para as familias con menos posibilidades poden facelo nos establecementos colaboradores do programa, onde serán postas a punto, previo á súa entrega por parte do Concello de Vigo.
Abel Caballero recordou que este programa se leva adiante ao longo de todo o ano, non só no Nadal, e animou á cidadanía a doar esas bicicletas que xa non usan. O rexedor apuntou que foron recollidas case medio centenar durante este ano e Montero engadiu que mañá teñen previsto sumar outras trinta bicicletas máis.