Abel Caballero anunciou este venres que o goberno que preside levará a próxima semana á Xerencia de Urbanismo o inicio do proceso de contratación do novo PXOM. Ademais, o alcalde deu conta da recepción dos informes estatais para a aprobación inicial do Plan Parcial de Navia, onde se prevé construír 1.600 vivendas protexidas.
A Xunta de Goberno Local aprobou a adxudicación do estacionamento regulado na vía pública, a coñecida como "zona azul", segundo informou este venres Abel Caballero. O alcalde, que salientou que o usuario poderá prorrogar a estancia do seu vehículo desde o móbil, adiantou que o tempo de rotación será distinto en cada zona da cidade, adaptado ás necesidades dos condutores.<br />
Os sindicatos de xustiza da cidade trasladáronlle a Abel Caballero a petición feita á Xunta de Galicia para que a Cidade da Xustiza incorpore tamén o Rexistro Civil, ao tempo que solicitan unha escola infantil nas instalacións.
"Había unha grande demanda na cidade", apunta Abel Caballero, que valora positivamente tamén a "avalancha cidadá" para ver a iluminación de Nadal. Amais o rexedor adiantou as propostas do programa de Nadal destes días.
O alcalde, acompañado polo edil de Deportes, Manel Fernández, departiu hoxe con clubs, organizadores e ata con algúns nenos que participarán nos Xogos que se celebran no complexo municipal das Travesas do 2 ao 4 de xaneiro.