venres, 12 nov 2010
Tal e como anunciara onte xoves, PYMAR (Pequenos e Medianos Astaleiros en Reconversión) acordou conceder 4,3 millóns de euros máis a Factorías Vulcano para garantir, xunto coa aportación autonómica, a finalización do buque sísmico 533, que emprega a unhas 900 persoas. Caballero recordou que PYMAR, participada polo Goberno de España, avala con 47 millóns o barco e con outros 28 máis a actividade da empresa.
xoves, 11 nov 2010
O alcalde de Vigo esixiu este xoves que os avais que poidan conceder a Factorías Vulcano tanto a Xunta de Galicia como PYMAR (Pequenos e Medianos Astaleiros en Reconversión) sirvan para "garantir o emprego" das 800 persoas que traballan na construcción do buque sísmico 533, e non "para outros sitios", como para saldar outras débedas. PYMAR reúnese este xoves en Madrid para analizar os posibles avais ao astaleiro vigués.
mércores, 10 nov 2010
Abel Caballero recibiu novamente ao Comité de Empresa do centro hospitalario POVISA para transmitirlles o seu apoio ante a situación pola que atravesan os seus empregados. A dirección da empresa ten previsto presentar próximamente un Expediente de Regulación de Emprego que afectaría a 1.200 dos 1.500 traballadores, por non ter renovado o concerto sanitario co SERGAS.
O alcalde visitou as instalacións do centro de formación para ver a marcha dos traballos
martes, 9 nov 2010
A peza será unha estrutura composta pola ponte dun pequeno barco realizado por alumnos de Caldeirería Industrial este ano e unha proa feita o pasado ano. Estudarase o equilibrio da composición para ser trasladada posteriormente a Navia. O alcalde destacou na visita o magnífico traballo realizado polos alumnos e felicitou ao centro de formación pola alta calidade das actividades que están a levar a cabo.
martes, 9 nov 2010
O alcalde de Vigo, Abel Caballero, inaugurou este martes unha nova mostra do ciclo "Mostrarte", no que consagrados e noveis artistas vencellados á cidade olívica expoñen o seu traballo na Alcaldía do Concello de Vigo. A iniciativa ábrese ao cómic coa presenza do vigués Alex Cal, o ilustrador máis novo en publicar coa editorial Marvel Comics, responsable de éxitos como Spiderman, entre outros. Desde 2009 debuxa para a serie G.I.JOE, onde incluiu distintas imaxes da cidade de Vigo.
martes, 9 nov 2010
Abel Caballero, xunto con concelleiros dos tres grupos políticos da Corporación Municipal, asistiron este martes á inauguración do novo aparcadoiro soterrado da Avenida de Castelao, e a apertura da humanización en superficie. O novo estacionamento, unha "gran demanda" dos veciños da zona, conta con 400 prazas, suma en total case 10 millóns de investimento e será de balde ata o próximo luns, 15 de novembro.
luns, 8 nov 2010
O alcalde visitou hoxe luns o novo hotel de catro estrelas habilitado xunto ao Auditorio Pazo de Congresos de Beiramar, xa rematado a falta da decoración interior. A apertura ao público desta nova dotación -que suma 125 habitacións e empregará a 60 persoas- estímase para febreiro. Abel Caballero afirmou que Vigo ten "vocación de cidade turística e de servizos" e o novo hotel "xera sinerxias" e permitirá avanzar no "turismo de congresos" da cidade.
luns, 8 nov 2010
Segundo informou Abel Caballero, o goberno local deu luz verde á adxudicación definitiva do arranxo da piscina e da pista polideportiva da ETEA, nas que o Concello investirá 860.000 euros. O alcalde anunciou máis melloras en Teis, como as adxudicacións da reforma de Toural e Ríos, a fábrica de Garavilla e os acondicionamentos da rúa Coutadas e da parte inicial de Julián Estévez.
venres, 5 nov 2010
Abel Caballero reuníuse este venres co Comité de Empresa de POVISA para amosarlles o seu "apoio" polo ERE presentado pola dirección, que pon "en risco" aos 1.500 postos de traballo do centro, e demandou á Xunta de Galicia que xere "seguridade" nos empregos e na asistencia sanitaria da comarca viguesa. "Non asumimos que se xere incertidumbre sobre o futuro laboral de 1.500 persoas", concluiu o rexedor.
venres, 5 nov 2010
O alcalde de Vigo e concelleiros dos tres grupos políticos da Corporación asistiron este venres á apertura do aparcadoiro de Jenaro de la Fuente e da humanización "con granito da mellor calidade" en superficie, unha reforma que supuxo un investimento de 10 millóns de euros. O parking ten 474 prazas, o 20% destas para residentes, e será gratuito durante a primeira semana.
