venres, 28 nov 2014
O Goberno da cidade de Vigo quere mostrar a súa dor polo pasamento da axente da Policía Nacional, falecida hoxe nesta cidade. Este goberno quere enviar o seu pésame a súa familia e a todo o Corpo da Policía Nacional de España.<br />
<br />
O alcalde decreta dous días de loito oficial e bandeiras a media asta, así como a suspensión do encendido das luces e o inicio das Festas de Nadal para o vindeiro luns, 1 de decembro, ás 19:00 horas na Porta do Sol.
venres, 28 nov 2014
Abel Caballero manifestou hoxe venres a súa preocupación porque, coa entrada en vigor da Lei de Racionalización e Sostenibilidade das Administración Local, os concellos perderán as súas competencias en materia social a partir de 2016. Así o dixo durante unha reunión preparatoria dun encontro luso-galaico sobre drogadiccións que se vai celebrar en Vigo o próximo mes de febreiro.
xoves, 27 nov 2014
O alcalde "recoñeceu" a presencia activa na cidade do subdelegado de Defensa en Pontevedra, Lorenzo Sánchez Enjamio. Así llo transmitiu Caballero durante unha visita que serviu de despedida oficial do coronel e que tivo lugar esta mañá na Alcaldía, tal e como explicou o rexedor en rolda de prensa.
xoves, 27 nov 2014
O alcalde de Vigo traladou hoxe o seu apoio aos 45 traballadores do servizo de mantemento do Meixoeiro que permanecen en folga en defensa dos seus postos de traballo. Así o explicou o rexedor en rolda de prensa, unha vez que mantivo un encontro con representantes do comité de empresa.
xoves, 27 nov 2014
Durante a apertura da Conferencia Internacional sobre o Futuro da Pesca, organizada polo 50º aniversario de ARVI, o alcalde esixiu á Xunta de Galicia, ao Goberno de España e á Unión Europea que prioricen o sector pesqueiro por ser unha actividade sostible, creadora de emprego e de valor engadido.
xoves, 27 nov 2014
O alcalde e o presidente da CEG destacaron esta mañá a importancia de que Citroën poida asegurarse a nova liña de fabricación, así como de que o naval empece a recuperarse, aínda que faga con dificultades. Así o constataron esta mañá durante unha reunión que mantiveron na Alcaldía para "revisar" a situación económica da cidade.
mércores, 26 nov 2014
O Concello de Vigo contará cunha nova ordenanza de transparencia que obrigará a que todos os concelleiros publiquen o seu patrimonio na páxina web municipal. Así o avanzou hoxe Caballero quen confiou en que esta iniciativa teña o respaldo "unánime" dos grupos para a súa próxima aprobación en Pleno.
luns, 24 nov 2014
Abel Caballero asegurou este luns que o Porto de Vigo é "un obxectivo prioritario para esta cidade" e amosouse satisfeito pola conclusión das obras de Areal, posto que a crise "se superará" e "temos que ter o porto preparado". O alcalde recordou que, á súa chegada á Alcaldía, posibilitou esta ampliación ao levantar o recurso xudicial que impedíu durante anos a execución da mesma.
mércores, 19 nov 2014
O alcalde exerceu este mércores de anfitrión e deu a benvida aos representantes dos clubs de fútbol que conforman a Liga de Fútbol Profesional (LFP), reunidos hoxe no Auditorio Mar de Vigo na súa Asamblea Xeral. Caballero eloxiou o papel do fútbol como "vertebrador" do territorio e agradeceu o traballo do Real Club Celta para que Vigo acollera esta cita e o partido de onte entre as seleccións de España e Alemaña.
mércores, 19 nov 2014
Abel Caballero participou este mércores no acto de recoñecemento, impulsado pola Cooperativa de Armadores, aos mariñeiros que perderon a vida na mar, que son recordados cunha placa e cun monumento instalado na entrada ao Porto de Vigo. O alcalde -quen felicitou a ARVI pola iniciativa no marco do seu 50 aniversario- indicou que o seu recordo "ten que permanecer na nosa memoria porque a eles lles debemos o que somos", pois da pesca "depende unha parte importante do progreso do noso país".
