O alcalde apoiou ao xuíz decano na súa petición ao TSXG de reforzar os xulgados de Familia de Vigo dada o seu volume de traballo. Tal e como avanzou en rolda de prensa, vaille trasladar esta solicitude ao ministro de Xustiza.
Abel Caballero inaugurou este martes unha nova edición de Mostrarte, o ciclo que leva aos espazos da Alcaldía obras de recoñecidos artistas da cidade. Desta volta, o goberno local programa a exposición colectiva Oceanus Nostrum, con 35 obras de 27 creadores, e o mar como nexo de unión e obxecto de tributo da mesma.
Abel Caballero avanzou hoxe venres a intención de El Corte Inglés de reforzar o seu proxecto comercial na cidade. Así llo transmitiron esta mañá ao rexedor durante un encontro no que estiveron presentes o director rexional, Javier Esteban, o responsable do centro en Vigo, Ignacio Granado e o xefe de relacións públicas, Pati Blanco.
Caballero recibiu hoxe venres de mans da empresa viguesa Lupeón SL unha maqueta do proxecto de Balaídos que foi impresa en 3D. A tecnoloxía desta compañía permite facer pezas en tempo real directamente utilizables, tal e como lle explicaron os técnicos ao rexedor.
Caballero informou este xoves que a entidade solicitou o apoio do Concello na súa iniciativa para facer de novembro o mes da abolición da pena de morte en todo o mundo. O goberno local ubicou na Casa Galega da Cultura unha pancarta co lema "Cidades pola Vida. En contra da Pena de Morte".
Caballero deu conta esta mañá da decisión de Provigo de contratar un informe de estudo de posicionamento estratéxico da cidade de Vigo e a súa área. Logo de presidir o padroado da fundación, Caballero certificou en rolda de prensa "a boa saúde desta entidade" a pesar do abandono de moitas institucións.
Caballero entrevistouse este mércores cos responsables da Asociación de Representantes de Comercio, que celebran en decembro o seu 60º aniversario. O alcalde indicou que moitos dos representantes vigueses operan tamén no norte de Portugal, actuando como "axentes de exportación" das empresas da cidade.
O goberno de Vigo respaldará ao Instituto de Cultura, Ciencia e Tecnoloxía, "de nova creación" e asentado na cidade, no seu obxectivo de divulgar o desenvolvemento tecnolóxico existente en Vigo, tanto na Universidade como nos centros tecnolóxicos e institutos de investigación. O alcalde definiu de "espléndida" a idea e solicitou ao ICCT un programa de accións para poñela en marcha.
O alcalde anunciou hoxe mércores que o Concello vai seguir demandando ao Ministerio de Xustiza a dotación da quinta praza da Sección Sexta de Vigo, ao tempo que amosou o seu "agrado" pola adxudicación dunha praza de xuíz na Sección Quinta. Caballero destacou o importante volume de actucións xudiciais no ámbito do Civil que rexistran os xulgados da cidade.
O alcalde informou este mércores que "vai ben" o proceso de venda dos pisos municipais de República Arxentina, coa que se financiará o solo, con 10 visitas programadas para hoxe, e adiantou que no verán a administración local estará en condicións de ceder á Xunta os terreos para que constrúa a Cidade da Xustiza de Vigo. Caballero asegurou que o goberno autonómico non poderá iniciar entón a obra porque carece de orzamento ao efecto.