O alcalde de Vigo e presidente da FEMP explicou este martes en Pontevedra que "queremos que os nosos recursos sexan utilizados en favor dos nosos territorios" e lamentou a falta de resposta do ministro de Facenda, Cristóbal Montoro. Abel Caballero non descarta "máis accións e máis potentes" para impulsar unha solución.
O alcalde recibiu este venres aos organizadores do Congreso Martec 2018 e deu o apoio do Concello aos representantes do instituto de Investigacións Mariñas e o Instituto Español de Oceanografía. A cita celebrarase en Vigo do 2 ao 4 de maio e tratará sobre a política de descartes pesqueiros. Abel Caballero tamén mantivo unha reunión con directivos da Escola de Estudos Empresariais para unha xuntanza internacional na que cooperará o Concello.
Caballero criticou a situación de "cerrazón total" da Xunta na negociación cos traballadores de Xustiza que están en folga en defensa dos seus dereitos laborais. En rolda de prensa, amosou a súa preocupación pola actitude de falta de diálogo do goberno autonómico e reiterou o seu apoio ás reivindicacións deste colectivo profesional.
A "III Gala benéfica Nico contra o cancro infantil" encherá de solidariedade o Teatro Afundación o próximo 10 de febreiro. Na rolda de prensa de presentación, o rexedor animou a toda a cidade a participar dun evento que contará con Carlota Corredera, como mestra de cerimonias.
Tras recibir este martes ao agregado cultural da embaixada francesa, Fabrice Charrier, o alcalde explicou que decidiron "buscar mecanismos comúns de intercambio cultural", pois Vigo ten unha "profunda" relación co país galo, por exemplo, na celebración da Reconquista ou na "cultura verniana" da cidade.
Abel Caballero informou de que é unha obra "necesaria e imprescindible" que está axustada á lei. "O problema da auga en Vigo chámase abastecemento en alta para que chegue á potabilizadora", asegurou o rexedor.
O alcalde destacou que os datos do ano pasado relativos a procedementos poñen de relevo que o Concello é "pioneiro" na utilización dos sistemas "online". As estatísticas apuntan a que un 75 dos rexistros xa se fan a través da sé electrónica.
Abel Caballero inaugurou este mércores unha nova entrega de Mostrarte, unha iniciativa que cumpre dez anos levando as obras dos artistas vigueses ata a Alcaldía de Vigo. Nesta ocasión é Xabier Lemos o que amosa o seu percorrido pola Ría de Vigo durante a Batalla de Rande. Fillo do tamén pintor Ángel Lemos, a obra de Xabier vai desde o realismo e o costumismo ata o surrealismo, sempre cunha inconfundible impronta propia, aínda que destaca principalmente como retratista.
Abel Caballero reuniuse este venres cos representantes da empresa Marine Instruments e organizadores da Conferencia de Monitoreo e Observación da Pesca. A cita é unha referencia no sector a nivel internacional e cada ano atrae a unhas 300 persoas procedentes de todos os continentes, así como autoridades de países como Australia, Nueva Zelanda, Estados Unidos e de toda Europa. O rexedor felicitounos pola iniciativa e deu o seu apoio.
O Concello de Vigo promociona por cuarta vez consecutiva o arquipélago vigués na Feira Internacional de Turismo e nesta ocasión presentou o soporte científico que avala a candidatura. O alcalde, durante a súa intervención, repasou as iniciativas que xa se realizaron nun proceso que cualificou como "un movemento colectivo de apoio á natureza".