A cidade vén de recibir un novo premio polas Ramplas da Gran Vía e polo carril bici, dentro dos Premios Semana Europea da Mobilidade Sostible 2020-2021. O alcalde celebrou este recoñecemento porque consolida Vigo como unha cidade referente en novas tecnoloxías, dixitalización e respecto ao medio ambiente.
O alcalde de Vigo, Abel Caballero, e o presidente do TSXG, José María Gómez, celebraron este luns unha reunión na Alcaldía viguesa, sendo esta “a primeira vez que un presidente do Tribunal Superior de Xustiza de Galicia vén a este Concello”, segundo sinalou Caballero antes do comezo da entrevista.
O alcalde salientou o prestixio e o valor engadido que xera a firma téxtil e amosou a súa satisfacción polo reforzo da dinámica da Avenida de Madrid “cun entorno máis humanizado e maior capacidade de atracción."
Máis de 1.100 veciñas e veciños fixeron posible a axuda á Asociación de Familias de Persoas con Parálise Cerebral (APAMP) grazas a doazón dos puntos obtidos pola reciclaxe de latas e botellas de plástico de bebidas co sistema de Devolución e Recompensa.
Abel Caballero e o famoso xadrecista Rey Enigma foron esta mañá os encargados de inaugurar o taboleiro máis grande do mundo, con 32 pezas de grande tamaño que alcanzan ata dous metros de altura. Desde hoxe e ata o próximo 25 de setembro, o espazo de xogo estará aberto ao público na praza exterior que da acceso ao recinto comercial.
Abel Caballero despediu esta mañá ás cinco participantes da 7ª expedición ao Círculo Polar Ártico dentro do Reto Pelayo Vida “66 Norte”, unha iniciativa que ten por obxectivo sensibilizar sobre a importancia na prevención do cancro. O rexedor, na súa intervención, fixo un chamamento para o cribado do cancro de mama non se descoide como consecuencia da pandemia.
A cidade opta ao concurso aberto no marco do Next Generation EU e tamén presentará candidatura á liña europea para plans de turismo en destino. Logo dunha reunión coa ministra de Política Territorial, o alcalde constatou a “vocación do Goberno de España de atender aos concellos” e adiantou que Vigo verá aumentados nun 13% os ingresos das entregas a conta no 2022.
O organismo provincial aportará case 11 millóns de euros e o goberno local máis de 5 para acometer nove novas obras na cidade ata o ano 2023. Entre elas destacan tres actuacións no Vigo Vertical; humanizacións como a da Avda. Castelao, Martínez Garrido ou San Roque; a primeira fase da recuperación dunar do paseo de Samil e a cobertura do patio do colexio Javier Sensat.
Na súa intervención durante a inauguración do acto “As cidades españolas ante o reto da neutralidade climática”, celebrado no Senado, subliñou o compromiso dos Gobernos Locais na loita contra o cambio climático, un compromiso que lles levou xa a adaptar a mobilidade nos seus territorios, a incorporar modelos de sustentabilidade no ámbito urbanístico e a apostar “por unha nova revolución ambiental, unha nova forma de entender a vida en verde, a convivencia ecolóxica , unha transición ecolóxica xusta que signifique o camiño ao futuro."
O alcalde de Vigo, Abel Caballero, recibiu na mañá deste mércores aos deportistas paralímpicos vigueses no Concello, aos que aplaudiu, tanto ao abrir o acto como ao pechalo, polos seus resultados nos Xogos de Toquio.