Abel Caballero explicou este venres en rolda de prensa telemática e presencial que o Concello entregou este ano un total de 1.000 castiñeiros microrrizados aos comuneiros para repoboar os montes de Vigo. Con motivo do Día Mundial do Medio Ambiente, o alcalde destacou a plantación de novas árbores en Samil e Gran Vía.
O rexedor de Vigo e presidente da FEMP, Abel Caballero, subliñou este xoves no Congreso que “só se pode chegar á economía da proximidade a través dos Gobernos Locais” e insistiu en que teñen de ser “actores esenciais de todo o relanzamento e a reconstrución económica”
O alcalde de Vigo, Abel Caballero, explicou este mércores en rolda de prensa telemática e presencial que tanto as piscinas municipais como os complexos deportivos da cidade reabrirán ao longo da vindeira semana con todas as medidas marcadas na normativa sanitaria da Fase 3 de desescalada da pandemia.
O alcalde vigués exporá as propostas desde o ámbito local para o proceso de reactivación, en especial as que afectan á atención social, que se atopan entre as que reclaman un seguimento máis urxente desde as Entidades Locais.
Abel Caballero segue traballando no proceso de reconstrución económica da cidade e hoxe mantivo un encontro cos responsables de seis centros tecnolóxicos de Vigo cos que coincidiu na demanda de reter o talento dos 1.600 empregados que traballan nestes institutos. Remarcou a súa importancia nestes momentos dado que son a parte máis dinámica e con máis capacidade de atopar novos espazos no actual contexto económico.
Hoxe martes reabriron as súas portas todos os museos municipais, aos que público accederá con todas as medidas de protección establecidas pola autoridade sanitaria. No MARCO poderán visitarse ata setembro as exposicións de Yolanda Herranz e Manuel Colmeiro.
O Concello abriu onte o período de consulta pública para que a cidadanía poida achegar a súa opinión sobre a ordenanza de praias ata o próximo 12 de xuño. O alcalde avanzou que este ano vai quedar esta normativa, unha vez reactivada a tramitación das praias libres de fume tras a paralización debido á pandemia.
O Concello de Vigo concedeu nas últimas tres semanas un total de 615 novas autorizacións para ampliacións de terrazas ou ampliacións das xa existentes. Desde o anuncio feito en maio hai 101 terrazas novas, mentres que outras 415 son ampliacións ou renovacións de permisos anteriores.
A Xunta de Goberno Local aprobou o expediente de contratación das obras de humanización dos espazos próximos á estación do AVE, á futura terminal de autobuses e ao centro comercial de Vialia e accesos. Os traballos inclúen actuar sobre as canalizacións e a renovación da superficie, segundo explicou Abel Caballero.
O alcalde de Vigo, Abel Caballero, explicou este luns en rolda de prensa telemática que tanto os museos da cidade como a Biblioteca Neira Vilas reabrirán este 2 de xuño con todas as medidas marcadas na normativa sanitaria vixente. O uso de máscara e o respecto da distancia social serán obrigatorias en todas instalacións municipais.