Abel Caballero recibe ao novo delegado do Goberno
Ambos os mandatarios mantiveron unha xuntanza de cortesía na Alcaldía onde analizaron os temas que a cidade ten en marcha xunto ao Goberno de España e os fondos europeos Next Generation EU, que a través do Plan de Recuperación, Transformación e Resiliencia xa sufragan en Vigo investimentos por valor de 75 millóns de euros.
O alcalde de Vigo recibiu ao novo delegado do Goberno de España, Pedro Blanco, para analizar as distintas cuestións que está a trazar a cidade co goberno de Pedro Sánchez en varios ámbitos.
Abel Caballero puxo en valor a importancia dos fondos europeos Next Generation EU que o Goberno de España concedeu ás entidades locais a través do Plan de Recuperación, Transformación e Resiliencia. O rexedor cifrou en 75 millóns os achegados á cidade para distintos investimentos. Tamén louvou os PERTES para a automoción e o sector naval, así como a altísima tensión comprometida para Stellantis e a industria da cidade.
Caballero e Blanco tamén falaron das grandes infraestruturas en marcha acordadas entre o Concello e o Goberno de España como a adxudicación do estudo informativo para a saída sur ferroviaria, a liña de alta velocidade Vigo-Ourense por Cerdedo, que está a piques de recibir luz verde por parte da Confederación Hidrográfica Miño-Sil, e a autovía en túnel ata Porriño, que sairá proximamente a información pública o seu trazado. Outra das dotacións que o Goberno de España financiará en Vigo será a Biblioteca do Estado, que atópase na redacción do proxecto.