venres, 22 mai 2020
O rexedor sumouse esta mañá ás opinións dos presidentes das comisións de festas de Bouzas, Coia ou San Roque que lle trasladaron esta mañá nunha reunión virtual a dificultade de organizar estes eventos nestas circunstancias. Con todo, o rexedor comprometeu apoio municipal no caso de que poidan manter unha parte das celebracións relixiosas, tal e como prevén nun principio, pendentes da evolución da situación sanitaria.
venres, 22 mai 2020
Desde o comezo do estado de alarma, o goberno local deu de alta 800 novas tarxetas de alimentación que se suman ás que xa viña outorgando o Concello. Ademais e seguindo cos servizos sociais, o alcalde tamén avanzou que, se Galicia pasa á fase 2 da desescalada, o luns 25 de maio reabrirán as súas portas os centros municipais de servizos sociais de Coia, Rivera Atienza, Teis e Praza do Rei, que atenderá tamén aos usuarios do Casco Vello.
venres, 22 mai 2020
Abel Caballero informou este venres de que a Xerencia de Urbanismo aprobará a vindeira semana o cambio de uso dotacional dunha parcela do Concello para que poida acoller o novo Parque de Bombeiros. Unha nave existente no ámbito de Esturáns será o destino das instalacións que actualmente están no Estadio Municipal de Balaídos.
venres, 22 mai 2020
Abel Caballero reuniuse este venres con Carmela Silva, presidenta da Deputación de Pontevedra, e con David Regades, delegado especial de Zona Franca, para “poñer en común a reconstrución da economía e o apoio social en Vigo”, de forma inmediata e a medio prazo.
xoves, 21 mai 2020
O alcalde de Vigo cifrou en máis de medio millón de euros as medidas de reactivación económica que está a desenvolver o Concello. Axudas á contratación así como apoio e asesoramento a autónomos e pequenas empresas son algunhas destas accións, que se suman aos apoios de Zona Franca e aos da Deputación de Pontevedra.
mércores, 20 mai 2020
O Concello habilitará de novo o servizo do Rexistro municipal para todos os trámites a partir do próximo 25 de maio. Haberá que solicitar cita previa e será obrigatorio o uso de máscara, cumprindo coas indicacións das autoridades sanitarias.
mércores, 20 mai 2020
Abel Caballero informou este mércores de que o Concello de Vigo recibiu nos últimos días un total de 375 solicitudes para ampliación de terrazas ou instalacións novas. A día de hoxe xa foron resoltas positivamente 325 das peticións. “Actuamos rápido e sabemos a importancia que ten para o negocio e o ocio”, sinalou.
martes, 19 mai 2020
Presidida polo alcalde de Vigo, na tarde deste martes reúnese a Xunta de Goberno da FEMP, que prevé aprobar un documento que propón que as cidades poidan adicar os seus propios recursos económicos á reconstrución social e económica tras a crise do coronavirus.
martes, 19 mai 2020
A reforma da Gran Vía de Vigo e a instalación de ramplas mecánicas poderá levarse a cabo entre este martes e este xoves. A obra presenta un orzamento próximo aos 5,2 millóns de euros, cofinanciados pola Unión Europea a través dos fondos FEDER.
martes, 19 mai 2020
O rexedor mantivo esta mañá unha reunión "moi satisfactoria" con responsables de centros educativos de todas as etapas para facer repaso das necesidades do ensino nesta crise sanitaria. Comprometeuse a manter o orzamento educativo e a continuar coa campaña de reparto de ordenadores para que todos os alumnos poidan seguir as clases desde a súa casa.
