O alcalde de Vigo manterá en vindeiras datas unha xuntanza con responsables de Red Eléctrica Española para tratar os problemas que ten a factoría de PSA no polígono de Balaídos. "Xa falamos este mércores en Bilbao e son moi favorables a buscar unha boa provisión da traída de alta tensión", sinalou.
Ante a decisión de cerrar a delegación viguesa do Instituto Social das Forzas Armadas, Abel Caballero iniciará un diálogo coa titular de Defensa para revocar a decisión e manter o servizo na cidade.
No acto de presentación da Guía de Mobilidade Sustentable para Entidades Locais, o presidente da FEMP e alcalde de Vigo asegurou que, grazas á electricidade, estamos a asistir a "unha revolución na forma de entender o transporte e o planeta". A Guía, elaborada pola FEMP e REE, foi presentada este mércores en Bilbao, no marco do Congreso sobre Mobilidade Urbana Sustentable SUM Bio 19.
Abel Caballero valorou como "mala noticia" que os orzamentos do Estado non fosen aprobados pero apunta que "non afecta á cidade porque está todo asegurado" á marxe dos Presupostos.
Abel Caballero amosou este martes o seu "agrado" e "satisfacción" polo indulto parcial concedido aos sindicalistas vigueses: "Non pode ir ninguén á cárcere pola súa acción sindical". O rexedor tivo palabras de cariño para Carlos Rivas e Serafín Rodríguez e agradeceu a "sensibilidade" do Goberno de España.
O anuncio realizouno o rexedor este luns durante a súa visita ao centro para celebrar o 50 aniversario co alumnado e a comunidade escolar a quen tamén lles trasladou a negativa da Xunta de Galicia á petición do Concello para aplicar a Lei 3/2016 para facer un novo acceso ao centro escolar.
O Colexio de Avogados de Vigo entregou este venres as insignias de ouro a sete letrados que cumpren corenta anos exercendo a profesión na cidade: Paula Táboas, Matías Movilla, Miguel Ángel Ferreras, José Carballo, José Pérez Sousa, Jorge Luis Trigás e Francisco Javier Cabo. Abel Caballero sumouse ao acto de recoñecemento do labor e da traxectoria destes profesionais celebrado na sede da Fundación Celta de Vigo.
O Concello organiza e financia un ano máis á homenaxe anual á pensadora e escritora Concepción Arenal, que nesta ocasión se celebrará o próximo sábado 9 de febreiro. Este ano a "Galega Destacada 2018" será a artista viguesa Pilar Alonso, tal e como propuxo o colectivo "Diálogos 90".
A Xunta de Goberno Local aprobou a Memoria de Transparencia do Concello de Vigo 2017-2018 que reflicte un incremento do 48% no uso do portal por parte da cidadanía que pode acceder a toda a información da xestión municipal.
O presidente da FEMP anuncia a celebración dunha reunión de carácter técnico do grupo de traballo de regra de gasto o próximo xoves na que "creo que poderemos obter bos resultados que redundarán en beneficio da cidadanía".<br />