luns, 24 out 2022
O alcalde trasladou este luns o pésame á familia da muller, que foi acoitelada no seu domicilio por un veciño este domingo, e manifestou no nome da cidade “todo o noso rexeitamento a un crime tan terrible”. O Concello vén de decretar un día de loito oficial e as bandeiras a media hasta durante esta xornada. Sobre os feitos acontecidos, Caballero apuntou que “esperamos que o xulgado diga as circunstancias nas que se produciron”.
venres, 21 out 2022
Esta mañá o rexedor participou xunto á ministra de Industria, Comercio e Turismo, Reyes Maroto, e ao vicepresidente primeiro da Xunta de Galicia, Francisco Conde, na presentación do PERTE do Naval que acolleu a cidade. Durante a súa intervención o alcalde sinalou que "segue sendo o momento da construción naval, sigue sendo o momento do transporte de barcos, en Vigo sabemos moi ben que é totalmente competitivo".
venres, 21 out 2022
Abel Caballero saudou ao alumnado que compartiu os proxectos que presentarán á Liga Maker Drone, unha competición estudantil organizada pola Fundación Barrié e o Instituto Tecnolóxico de Galicia na que cómpre deseñar e programar un dron para resolver un problema social de actualidade. O alcalde louvou ao estudantado de 2ºESO do IES Santo Tomé que participan neste proxecto e foron seleccionados entre 18 centros de toda Galicia.
mércores, 19 out 2022
Abel Caballero anunciou en rolda de prensa que os contedores estarán na zona da estatua dos Redeiros durante dous semanas. A campaña, desenvolta con motivo do Día Mundial do Cancro de Mama xunto con Ecovidrio, destaca a importancia de coidar o medioambiente e coidar a saúde mediante a prevención. Agatha Ruiz da Prada deseñou un novo miniglú para a ocasión, e os fondos recadados a través das vendas irán destinados á Fundación Sandra Ibarra.
mércores, 19 out 2022
Na reunión mantida este mércores pola Xunta de Goberno da Femp coa Secretaria de Estado de Enerxía, Sara Aagesen, Abel Caballero apuntou que o cambio a LED das luces incandescentes aforraría en iluminación pública ata o 85% do consumo de enerxía, apuntando a capacidade de aforro que pode representar o illamento térmico dos case 300.000 edificios públicos.
venres, 14 out 2022
O alcalde esixe á Xunta que restableza o praza de pediatría no centro de saúde de Pintor Colmeiro logo de que o SERGAS repartira os case 1.000 nenos e nenas que atendía o doutor xubilado entre outros profesionais e o resto de centros de Atención Primaria .
venres, 14 out 2022
O alcalde imponlle á secretaria de Estado de Transportes, Mobilidade e Axenda Urbana a máxima distinción da cidade do ano 2022, nun acto celebrado no Pazo de Castrelos, adiado desde o mes de marzo pola enfermidade da galardoada.
xoves, 13 out 2022
Mañá estará en Vigo a secretaria de Estado de Transportes, Mobilidade e Axenda Urbana para dar conta da actuación do Goberno de España en materia de infraestruturas coa cidade, concretamente as orzamentadas para 2023: a autovía Vigo-O Porriño, a saída sur ferroviaria e a liña de alta velocidade Vigo-Ourense por Cerdedo. O alcalde fará entrega da Medalla da Cidade outorgada no mes de marzo, que non puido recoller no acto de Vigueses Distinguidos 2022 por motivos persoais.
xoves, 13 out 2022
Abel Caballero participou nos actos organizados con motivo del 12 de outubro en Madrid. Acudiu ao desfile e a continuación á recepción no Pazo Real organizado pola Casa Real. Caballero saudou a súa Maxestade, Felipe VI.
xoves, 13 out 2022
Abel Caballero, xunto ao presidente do Senado, Ander Gil, e ao ministro do Interior, Fernando Grande Marlaska, entregaron recoñecementos a representantes de oito corpos policiais, forzas armadas e do ministerio de Sanidade.
