luns, 30 mar 2020
Abel Caballero informou este luns de que o Concello de Vigo xa atendeu a case 1.800 familias para proporcionarlles todo tipo de axudas de emerxencia ante a crise do Covid-19. O valor total é de 145.000 euros.
luns, 30 mar 2020
O alcalde explica que xa lle comunicou por carta ao presidente do goberno autonómico que “todos os dispositivos da cidade” están ao seu dispor para velar pola saúde das 600.000 persoas que conforman a Área Sanitaria de Vigo.
venres, 27 mar 2020
Todos aqueles interesados en compartir a súa creatividade artística durante este período de confinamento xa poden facer chegar as súas creacións a confinarteconcultura.vigo.org. Teñen que ser vídeos curtos, que deberán estar gravados en formato horizontal, cun peso máximo de 500 MB e unha duración máxima de 5 minutos.
venres, 27 mar 2020
O alcalde deu conta esta mañá da adaptación do programa Síntome Ben para que a xente poida facer exercicio na súa casa. A páxina web municipal recolle táboas con programas deportivos deseñados por profesionais para todos aqueles interesados.
venres, 27 mar 2020
Abel Caballero informou este venres de que a cociña do albergue municipal xa repartiu máis de 1.200 menús durante os últimos dez días. Estas comidas están destinadas aos propios usuarios do albergue, ás persoas acollidas no pavillón do Berbés e ao servizo a domicilio.
venres, 27 mar 2020
Abel Caballero confirmou que hoxe venres é o último día no que se permite comprar o billete en metálico: desde este sábado, o acceso será en exclusiva con PassVigo ou tarxeta análoga mentres dure o estado de alarma. A finalidade da medida é diminuír o risco de contaxio suprimindo o intercambio de efectivo.
venres, 27 mar 2020
O alcalde advirte que esta fin de semana haberá controis para os vehículos que entran e saen da cidade e pide cautela á cidadanía e respecto ao decreto de alarma para protexer a saúde propia e a dos demais.
xoves, 26 mar 2020
Abel Caballero lembrou este xoves o ofrecemento de Contenur, que xa está fabricando colectores específicos para Fátima e Povisa, á espera de que o Sergas estude a proposta municipal. Namentres, os bombeiros incorpóranse ao dispositivo de desinfección das rúas dedicados especialmente a zonas hospitalarias e sanitarias.
xoves, 26 mar 2020
Dada a gravidade da situación sanitaria que estamos a atravesar, o rexedor considera “importante e conveniente” a gratuidade do aparcamento do Álvaro Cunqueiro. Así llo solicitou esta mañá á Xunta de Galicia, lembrando que na cidade xa non está a funcionar a Xestión do Estacionamento Regulado.
xoves, 26 mar 2020
A Policía Local impuxo 25 novas sancións este mércores, deixando un total de 323 denuncias desde o 16 de marzo. O alcalde reiterou este xoves que os axentes continuarán garantindo o cumprimento en Vigo do estado de alarma “para garantir a seguridade, para garantir a vida da xente”