Vigo dará comezo ao Nadal o 24 de novembro
Abel Caballero anunciou que “o Nadal no mundo comeza o 24 de novembro ás 20:30 horas”. O alcalde acudiu ao inicio da montaxe da árbore de Nadal, que baterá o récord de altura, con 44 metros, e terá espectáculo musical diferenciado entre o cono e a estrela. Este último elemento pasará a ter 19 metros, 17 máis que o ano anterior. Vigo alumeará 450 rúas con 6.000 estruturas de iluminación e 4.000 arcos e motivos de Nadal. “Temos a árbore de Nadal máis importante do mundo”, declarou.
