O orzamento municipal de Educación ascende a 24,2 millóns de euros
O alcalde detallou este venres as partidas do presuposto para 2024 na área de Educación que se incrementa un 11% respecto ao 2023, o que supón 2,4 millóns de euros máis.
venres, 10 novembro 2023
O Goberno de Vigo adxudica o subministro de lectores QR/NFC para o uso da PassVigo
venres, 10 nov 2023O rexedor sinalou que "a PassVigo ten un formato en físico moi recoñecido, e agora estamos desenvolvendo a súa incorporación aos teléfonos móbiles". A Xunta de Goberno Local tamén aprobou a prórroga do CEDRO por 789.267 euros.
O Concello desprega a pancarta de denuncia da violencia contra a muller
venres, 10 nov 2023A fachada principal do Concello exhibe desde este venres a mensaxe do Día Internacional da Eliminación da Violencia contra as Mulleres: “25N Non máis violencia por ser muller”. O despregamento da gran pancarta contou coa presenza de Abel Caballero, así como das concelleiras Carmela Silva, Olga Alonso, Elena Espinosa e María Lago. O Concello programou durante todo e mes de novembro un extenso calendario de actividades culturais e de reflexión, que concluirá o día 2 de decembro. O alcalde insiste sinalar a importancia, fronte aos negacionistas, de reivindicar a violencia machista como a base na que se asintan todas as violencias que padecen as mulleres polo feito de ser muller.
Teatro, baile e maxia para a fin de semana na programación de VigoCultura
venres, 10 nov 2023A programación cultural "Vigo a Escena" trae esta fin de semana tres obras teatrais que se poderán ver no Auditorio Municipal na Praza do Rei.
Caballero: "O corto de animación Paseo por Vigo con Floreano e Monchiña dará a volta ao mundo"
venres, 10 nov 2023Abel Caballero augurou este venres aos autores da curtametraxe de animación “Paseo por Vigo con Floreano e Monchiña”, Gogue Rodriguez Lopez e Jorge J. Costas, que a súa creación en 3D “dará a volta ao mundo”. Durante a presentación da película, o alcalde asegurou que as viñetas publicadas en Faro de Vigo son máis que “humor e perspicacia” para achegar unha “editorial” gráfica dos acontecementos de Vigo. Destacou a “dificultade técnica” dunha produción que percorre os principais enclaves da cidade nun paseo protagonizado polos personaxes Floreano e Monchiña.
O alcalde recibe ao embaixador de República Dominicana
venres, 10 nov 2023O alcalde e o embaixador da República Dominicana, Juan Bolivar Diaz Santana , mantiveron unha xuntanza de cortesía na Alcaldía. Ambos os dirixentes puxeron en común cuestións relevantes como a cultura e acordaron manter cooperación noutros ámbitos.
O goberno local amosa o seu compromiso coa soidade non desexada
venres, 10 nov 2023A concelleira de Benestar Social, Yolanda Aguiar, puxo en valor o traballo realizado pola Fundación Esplai na redución da fenda dixital das persoas maiores que se desenvolveu no MARCO. Aguiar lembrou que o Concello de Vigo, tras realizar o Mapa da Soidade máis amplo de todos os municipios de España, estableceu unha estratexia de atención ás persoas maiores, ao amparo da cal xa se están desenvolvendo numerosas medidas incluídas no Plan, como é o Programa de Envellecemento Activo; Vigo, Cidade Amiga dos Maiores, con máis de 7000 prazas; ou o Programa de Capacitación Dixital, que se desenvolve en en todas as asociacións e centros cívicos.