mércores, 27 feb 2019
O alcalde resaltou hoxe mércores a importancia de que o Goberno local estea a humanizar 50 rúas de diferentes parroquias ao mesmo tempo. Unha quenda de melloras ás que tamén se suma as actuacións que se desenvolven nas rúas Aragón e Gregorio Espino.
mércores, 20 feb 2019
O alcalde de Vigo sinalou que hai agora catro anos foron enviadas observacións técnicas para acordar coa administración autonómica unha mellora na contorna do centro médico. "A Xunta só se acorda destas cousas cando chegan as campañas electorais", sinalou Abel Caballero.
venres, 15 feb 2019
A remodelación do tramo entre Marqués de Alcedo e Taboada Leal xa está en obras, cun orzamento de 657.000 euros, explicou Abel Caballero. Contando co novo parque infantil, o goberno vigués adica cinco millóns de euros á remodelación de toda Venezuela. O alcalde subliñou a igual atención no centro e no rural, e citou como exemplo os 3,5 millóns da humanización da Estrada do Porto.
xoves, 14 feb 2019
O alcalde asistiu este xoves á colocación da primeira pedra da nova senda peonil e para bicicletas que percorrerá a antiga vía do tren dende a estación de Urzáiz ata Teis e que ten un orzamento de 1,4 millóns de euros.
martes, 12 feb 2019
O alcalde de Vigo avanzou este martes que estudará a reforma da Praza Elíptica cos veciños da zona para levar a cabo unha humanización. "Quero estudar as consecuencias que tería para o tráfico", sinalou o rexedor tras recibir as propostas dos veciños nunha xuntanza.
martes, 12 feb 2019
Anunciouno este martes Abel Caballero en rolda de prensa, quen engadiu que o Concello actuará nas rúas Forno e Calazas nesta segunda fase, logo de ter xa mellorado a rúa Ribadavia e as travesías primeira e segunda. Na confluencia de Redomeira e Aragón, o goberno vigués incluirá unha zona verde na remodelación.
martes, 12 feb 2019
O goberno local está a humanizar a rúa Mantelas cun orzamento de 522.000 euros e que suporá a renovación de beirarrúas, pavimento e canalizacións. O rexedor destacou, logo da visita as obras, que é a primeira vez que ningún goberno local actúa na zona de A Salgueira.
luns, 11 feb 2019
Abel Caballero informou este luns de que xa está en marcha o expediente para construír un novo aparcamento xunto ao Hospital Álvaro Cunqueiro. "Iniciamos a tramitación oficial e a Xunta recibirá un requirimento oficial de compra ao que está obrigada a contestar", sinalou o alcalde.
venres, 8 feb 2019
O alcalde deu conta este venres do inicio, nos próximos días, de trinta e unha actuacións nas parroquias viguesas e informou da prórroga do contrato do Centro de Usos Múltiples Vigosónico.
venres, 8 feb 2019
A próxima semana, o goberno de Vigo comeza a renovación de 75 puntos de luz LED e a instalación de pasos de peóns sobreelevados en Teixugueiras, segundo anunciou este venres Abel Caballero. O alcalde tamén datou para a semana que vén o inicio das obras da sala de usos múltiples e, para este mes, a apertura da primeira fase do novo parque de Navia.