martes, 14 feb 2017
O alcalde informou da posta á venda dos billetes dende hoxe martes para conectar Vigo coa capital condal os luns e os venres pola mañá, entre abril e xuño, unha "boa noticia que amosa como tira o aeroporto de Vigo".
venres, 20 xan 2017
Tras o "gran éxito" acadado onte en FITUR, este venres o alcalde avanzou que a próxima semana se contratará a elaboración do primeiro documento para a presentación oficial da candidatura das Illas Cíes a Patrimonio da Humanidade. "Todo sinala que o imos conseguir", valorou Caballero.
xoves, 19 xan 2017
Abel Caballero estivo hoxe xoves na feira internacional de FITUR promocionando a candidatura das Illas Cíes como Patrimonio da Humanidade para trasladarlle o seu valor ao todo o mundo. Durante o acto, o rexedor deu por iniciada de xeito oficial a andadura para conseguir esta distinción da Unesco.
mércores, 18 xan 2017
O rexedor avanzou esta mañá que en dous meses Vigo contará co documento que lle permitirá presentar de xeito oficial a candidatura das Illas Cíes como Patrimonio medioambiental da Humanidade. Este anuncio fíxoo un día antes de acudir a FITUR onde amosará o valor medioambiental e de atracción turística deste enclave natural.<br />
martes, 17 xan 2017
O alcalde manifestou este martes que "as Illas Cíes son o maior atractivo turístico que pode ter ningunha cidade" e serán o eixo central da presencia da cidade na Feira Internacional de Turismo. Caballero participou hoxe na presentación do Camiño de Santiago pola costa, que promocionará en FITUR a Deputación.
xoves, 12 xan 2017
A terminal viguesa rexistrou un crecemento do 34% en 2016, "o maior de ningún aeroporto en España", segundo apuntou Abel Caballero, que amosou a súa satisfacción polo momento "excepcional" que vive a terminal viguesa.
venres, 4 nov 2016
Coa aprobación do expediente de contratación na Xunta de Goberno Local ábrese o procedemento de licitación do servizo de promoción turística de Vigo e as Rías Baixas para o período 2016-2019 cun investimento de 736.000 euros.
mércores, 26 out 2016
O alcalde abondou esta mañá na necesidade de ir abrindo novas vías de turismo que complementen ao gran proxecto de atracción que é Illas Cíes, Patrimonio da Humanidade. Con este obxectivo, Caballero e Carmela Silva participaron na apertura do I Congreso de Turismo Industrial de Galicia e do Norte de Portugal.
luns, 24 out 2016
"Vigo Pesqueiro", impulsada por Fundamar e ARVI conta coa cooperación do Concello de Vigo para dar a coñecer o patrimonio da ría de Vigo e o traballo das xentes do mar e das industrias contribuíndo a "potenciar a nosa imaxe de marca", tal e como apuntou Abel Caballero.
xoves, 20 out 2016
Hoxe xoves comeza en Vigo a sexta edición deste certame, que conta coa colaboración municipal e que quere superar o concepto clásico de poesía, achegándoa as públicos máis diversos con actividades na rúa para implicar a toda a cidadanía. <br />