luns, 30 abr 2018
Segundo datos ofrecidos este luns polo alcalde, o Concello de Vigo adica 1.767.000 euros anuais a bonificar o autobús urbano dos escolares e universitarios, sen requerir estar empadronado na cidade, o que non acontece noutras urbes galegas. Caballero defendeu a autonomía municipal para aplicar as súas políticas e denunciou que a "Lei Feijóo" só se aplica en Vigo.
luns, 30 abr 2018
O alcalde denuncia "varas de medir distintas" de Fomento e Xunta de Galicia en Vigo e en Santiago, toda vez que o Ministerio publica no BOE a obra de conexión entre a AP9 e a Cidade da Cultura -na que a Xunta pagou as expropiacións- mentres que Vigo continúa "sen ter resposta" á demanda de conexión de Buenos Aires coa autoestrada.
venres, 27 abr 2018
O alcalde de Vigo defendeu este venres a creación da Pass Vigo para bonificar os servizos municipais aos seus cidadáns despois de que o xulgado ordenase expedir a tarxeta sen a limitación de empadronamento. Abel Caballero mostrou o seu apoio a todos os concellos galegos e españois que inclúen esa disposición para axudar aos seus cidadáns, pero lamentou que unicamente Vigo é penalizado pola lei creada pola Xunta de Galicia.
venres, 20 abr 2018
O goberno municipal defenderá no próximo Pleno municipal unha moción na que reclama a inmediata redacción do proxecto da nova autovía Vigo-Porriño, así como as correspondentes partidas orzamentarias e prazos de execución. Asi mesmo, reclaman a gratuidade da peaxe Vigo- O Porriño para que poida ser usada como vía alternativa ata que remate a nova infraestrutura.
venres, 20 abr 2018
O alcalde anunciou que este mesmo venres finalizan as obras, o que supón cambiar o acceso ao CEIP Ramón y Cajal, coñecido como o Picacho, que terá entrada por Marqués de Valterra. Caballero recordou que esta rúa está a ser humanizada e en proceso de "importante rexeración".
luns, 16 abr 2018
Desde este luns, tal e como recordou o alcalde, a nova tarxeta cidadá opera no autobús urbano como único medio de pago a cargo do Concello, tras a caducidade da antiga tarxeta verde. Caballero salientou o "éxito" dunha PassVigo en mans de case que a metade da poboación viguesa.<br />
venres, 6 abr 2018
Abel Caballero avanzou este venres que o goberno vigués está a celebrar reunións técnicas para ampliar as opcións de uso e pago da nova tarxeta cidadá PassVigo, como por exemplo nos taxis. Nos autobuses urbanos, o 73% dos abonos con tarxeta xa se efectúan coa PassVigo.
martes, 3 abr 2018
O alcalde anunciou este martes que desde esta semana está en funcionamento unha nova liña nocturna de autobús para os pasaxeiros do aeroporto de Vigo. O servizo, financiado desde o Concello, ten como obxectivo atender aos viaxeiros do último enlace aéreo con Madrid e estará a proba todo o mes de abril.
venres, 23 mar 2018
A proposta foi abordada este xoves nunha reunión entre Concello, Xunta, ADIF e Immochan, a empresa que construirá a gran estación do AVE deseñada polo premiado arquitecto estadounidense. Abel Caballero pide á Xunta de Galicia un deseño "coherente" da estación de autobuses -que estará nun lateral da estación do AVE- co entorno e a arquitectura de Mayne.
mércores, 21 mar 2018
O alcalde destacou que a tarxeta poderase utilizar nas piscinas municipais e que traballan co sector do taxi para poder implementar o pago. Os últimos datos apuntan a que xa foron repartidas un total de 109.971 PassVigo, das que 43.640 xa están en uso.