O temporal de vento e choiva deixou un total de 70 incidencias en Vigo durante as últimas horas. Bombeiros e Policía interviñeron sen que se rexistrase ningún dano persoal. A maioría das actuacións foron debido a inundacións e ramas de árbores caídas na calzada.
Un servizo especial de transporte urbano porase en marcha este xoves 1 de novembro para facilitar o desprazamento de pasaxeiros ata os cemiterios da cidade. Ademais, as liñas regulares máis demandadas disporán dun servizo de ampliación de frecuencia.
O alcalde presentou esta mañá unha aplicación que xa funciona en Vigo e que calcula a mellor ruta para desprazarse en transporte público. Cualificou de moi importante un avance que facilita coñecer a chegada a paradas en tempo real. Moovit é gratuíta e está dispoñible en Android, iOS e Web.
Segundo informou este xoves o alcalde, o goberno de Vigo adxudicou a concesión dos estacionamentos soterrados cunha diminución do 6% nos prezos das prazas de rotación e un incremento do canon a ingresar pola empresa no Concello. Para Caballero, o novo contrato é "bo para os cidadáns e bo para as arcas municipais".
Binter contará a partir do 30 de outubro dúas conexión diarias a Tenerife, que se suman ás outras dúas que xa existían con Gran Canaria, unha decisión que agrada ao alcalde quen felicitou aos responsables da compañía durante unha reunión de traballo que mantiveron onte xoves na Alcaldía.
O alcalde de Vigo intercambiou esta mañá impresións sobre a situación da cidade en materia de seguridade co comisario xefe da Policía Nacional, Emilio Fernández, con quen mantivo un encontro esta mañá na Alcaldía. Ambos responsables coincidiron na percepción de Vigo como unha cidade segura e resaltaron a boa cooperación que existe entre a Policía Nacional e a Local.
O alcalde entregou esta mañá o equipamento que vestirán en Alxeciras os vinte axentes que van a representar a Vigo no VII Xogos Europeos de Policías e Bombeiros. Entre o 21 e o 29 de setembro, estes efectivos da Policía Local, acompañados por axentes nacionais e da Garda Civil, competirán nas modalidades de fútbol 5, fútbol 7 e atletismo.
Vigo súmase do 16 ao 22 de setembro á Semana da Mobilidade que promove a Comisión Europea co obxectivo de "divulgar unha mobilidade máis sa e sustentable nas cidades", segundo explicou esta mañá Abel Caballero.
O alcalde de Vigo avanzou esta mañá que o taxi compartido pode ser en determinadas zonas un sistema alternativo ao autobús, "unha idea sólida" que pode "ser un bo servizo". Tal e como explicou, nestes momentos esta iniciativa está en fase de estudo e se tomará unha decisión en dez días aproximadamente.
A liña de autobús urbano que atende ao aeroporto de Vigo superou os 5.000 usuarios en xullo e os 27.000 nos primeiros sete meses do ano. Abel Caballero estimou que as cifras do 2018 superarán os anos anteriores e recordou que a Xunta adica 340.000 euros ao bus que conecta Santiago con Lavacolla e nada en Vigo: "non porque esteamos acostumados deixa de ser grave".