luns, 21 mar 2011
O Pleno da Corporación municipal respaldou por unanimidade esta concesión, e aprobou o nomeamento de sete Vigueses Distinguidos: a Asociación de Directores de Colexios Públicos de Vigo, a Fundación Banco de Alimentos, Cipriano Jiménez Casas, o Club Maniotas, a Agrupación de Centros Deportivos e Culturais, a Unión Musical de Valadares e a Plataforma en Defensa da Sanidade Pública de Vigo. Esta última tivo a oposición do grupo municipal do Partido Popular e foi aprobada cos votos do goberno local.
luns, 21 mar 2011
A concelleira de Educación, a socialista Laura López Atrio, presentou no Pleno deste luns de urxencia esta moción, aprobada cos votos do BNG e a negativa do PP. O acordo adoptado insta ao goberno autonómico a ampliar o CEIP Daniel Rodríguez Castelao de Navia e a mellorar as condicións educativas do alumnado con necesidades especiais, dotando de medios e recursos aos centros e ás familias. O texto propón que as institucións públicas convenien para "conseguir o máximo desenvolvemento e autonomía persoal" do colectivo.
luns, 21 mar 2011
A proposta de acordo, presentada polo Partido Popular e respaldada polos grupos do goberno vigués, insta ao Concello a determinar unha ubicación "realizable" para a dotación esta dotación, unha vez está "comprometida polo Ministerio de Cultura". A moción di que "son xa catro" as presentadas ante o Pleno en relación á cuestión "sen que Vigo obtivese unha resposta definitiva".
luns, 21 mar 2011
A Corporación Municipal de Vigo votou hoxe luns en sesión plenaria que o goberno local poña en marcha "os puntos limpos que establecen no Plan Xeral da cidade de Vigo". Segundo apunta o texto validado, o PXOM vigués -en vigor desde o 25 de agosto de 2008- fixa oito ámbitos para a localización desta "alternativa para a reciclaxe de residuos especiais", unha situación que "a cidade de Vigo non se pode permitir nin un minuto máis".
luns, 21 mar 2011
O BNG acadou o apoio unánime da corporación para declarar ao Concello de Vigo como zona desnuclearizada e na adhesión ao acordo do Parlamento de Galiza de 6 de setembro de 2006, para que a Xunta se dirixa ao goberno do Estado para que Galiza sexa de maneira efectiva territorio desnuclearizado. Segundo explicou a concelleira nacionalista María Méndez, esta declaración implica a prohibición de localizar no territorio galego un cemiterio nuclear ou depósitos de almacenamento de residuos nucleares, así como a prohibición de que en Galiza se constrúan centrais nucleares.
venres, 18 mar 2011
ORDE DO DIA para a sesión ORDINARIA que terá lugar o día 21 de MARZO de 2011, ás NOVE HORAS, no salón de Plenos deste Concello
xoves, 17 mar 2011
O Pleno da Corporación aprobou hoxe xoves esta medida ao tempo que tomou coñecemento da liquidación orzamentaria de 2010, cumprindo cos obxectivos de investir 100 millóns de euros, baixar a presión fiscal e consolidar unhas contas saneadas mediante unha "xestión austera e eficaz", explicou a concelleira de Facenda, Raquel Díaz. A oposición, que se abstivo na votación, pediu que os 11 millóns de euros do préstamo deste ano se dediquen a pagar sentencias xudiciais pendentes.
martes, 8 mar 2011
A concelleira de Igualdade e presidenta do Consello Municipal da Muller, Iolanda Veloso, presidíu este martes o pleno conmemorativo do Día Internacional da Muller, que contou coa participación de representantes dos diferentes colectivos que o integran. Iolanda Veloso asegurou que é preciso "seguir reivindicando moitas melloras para acadar a igualdade real entre homes e mulleres" e fixo un chamamento a participar nas actividades propostas ao longo do mes.
luns, 28 feb 2011
O Pleno da Corporación Municipal aprobou este luns a proposta do BNG, cos votos de nacionalistas e populares e a abstención do PSOE, que insta ao Ministerio de Fomento a reconsiderar a súa negativa sobre a declaración como vía urbana do tramo da AP-9 de Rande a Vigo. O tenente de alcalde, Santi Domínguez, destacou que é dunha "demanda histórica" que melloraría a vertebración do barrio de Teis, polo que asegurou que o BNG non entende a negativa de Fomento dada a deputada Olaia Fernández Davila para acometer esta transformación.
