Pleno da Corporación
O Pleno insta á Deputación a concretar os seus investimentos en Vigo e a subvencionar a conexión aérea con Milán
luns, 7 feb 2011Os grupos políticos do goberno vigués aprobaron este luns -coa oposición do PP- unha moción impulsada polos socialistas para demandar á Deputación de Pontevedra que "concrete os investimentos a realizar no término municipal de Vigo correspondentes ao 35% do Presupuesto de Investimentos", a porcentaxe da poboación viguesa sobre o total da provicia, e que subvencione o voo con Milán como "primeiro paso" da potenciación do aeroporto.
A Corporación pide por unanimidade ao Goberno de España que manteña a axuda para os parados sen prestacións
luns, 7 feb 2011A moción, presentada polo PP e respaldada polo goberno local, insta ao executivo central a manter o chamado Programa Temporal de Protección por Desemprego e Inserción, é dicir, a axuda dos 426 euros para os parados que agotaras as súas prestacións por desemprego. "Retirar esta medida vai facer que 600.000 persoas en España se vexan nunha situación límite", argumenta o texto aprobado polos grupos municipais.
Santi Domínguez levará ao vindeiro pleno o debate sobre a proposta de reforma das pensións
martes, 25 xan 2011O tenente de alcalde, Santi Domínguez, anunciou hoxe martes que o grupo municipal do BNG presentará unha moción no vindeiro pleno da corporación para debatir a proposta de reforma do sistema de pensións. O nacionalista defendeu o mantemento da idade legal de xubilación nos sesenta e cinco anos e o período para o cálculo da contía da pensión nos quince anos de cotización. O texto tamén reclama á Xunta que incremente os orzamentos para a inclusión social e, en concreto, para a Risga e as Axudas de Emerxencia Social.
O Pleno debatirá pedir á Xunta de Galicia que distribúa por poboación e número de parados os fondos para emprego nos municipios
luns, 24 xan 2011O concelleiro de Promoción Económica e Emprego, o socialista Santos Héctor, presentou este luns unha moción, que será debatida no Pleno municipal da próxima semana, que solicita a retirada da orde autonómica que regula os fondos de cooperación para 2011 e que o reparto atenda a criterios de poboación e número de parados por municipio. Segundo denunciou o edil, un municipio de 20.000 habitantes podería recibir incluso máis cartos para contratación que a cidade de Vigo.
O Pleno debaterá unha moción na que se insta á Deputación a concretar os investimentos en Vigo
xoves, 20 xan 2011O concelleiro de Xestión Municipal e voceiro municipal socialista, Carlos López Font, presentou na mañá deste xoves a moción na que se lle pide ao organismo provincial que concrete os investimentos correspondentes ao 35% do Orzamento da Deputación -a poboación de Vigo en relación á provincia- así como que acepte a petición do alcalde de subvencionar o voo Vigo-Milán. A moción debaterase na sesión plenaria do vindeiro 31 de xaneiro.
O goberno local concede 15 días aos grupos políticos do Concello para consensuar unha declaración sobre o Área Metropolitana
luns, 17 xan 2011O Pleno da Corporación deste luns rematou sen un acordo entre os tres grupos políticos, pese a amosarse unánimemente a favor da tramitación dunha lei autonómica de Área Metropolitana de Vigo. Socialistas e nacionalistas, coa oposición do PP, aprobaron que os partidos consensúen un texto nun prazo máximo de 15 días. A concreción do financiamento da nova entidade e a transferencia de competencias -principalmente da Deputación de Pontevedra- foron os principais obstáculos para o acordo.
O goberno local reclama fondos e programas de cooperación á Xunta de Galicia para contratar a 450 traballadores en Vigo
luns, 27 dec 2010O Pleno da Corporación de Vigo aprobou hoxe luns unha moción presentada polo grupo socialista solicitando á Xunta de Galicia un criterio de poboación e número de parados para repartir os fondos de cooperación entre os municipios. O Concello reclámalle tamén que abone á cidade tres millóns de euros destes fondos e conceda os obradoiros de emprego solicitados para poder crear en Vigo 450 empregos. O acordo demanda igualmente unha partida económica para manter o Plan de Inclusión Social.
O Pleno demanda que a Deputación de Pontevedra invista na cidade a parte proporcional correspondente á poboación de Vigo
luns, 27 dec 2010Os votos favorables dos grupos socialista e nacionalista aprobaron este luns unha moción solicitando á Deputación de Pontevedra que destine a Vigo o 35% dos seus investimentos a Vigo, a mesma porcentaxe que representa a poboación da cidade na provincia. O goberno local denunciou o investimento "cero" do organismo en Vigo e a "discriminación" á cidade por ser un goberno de color distinto. O PP local renunciou á súa intervención por non querer participar da "estratexia de confrontación con todas as administracións" do Concello.