Os votos de todos os grupos políticos deron luz verde na sesión plenaria de hoxe luns a solicitar á Concellería de Fomento a posta en marcha dun Plan de asfaltado e mantemento das rúas da cidade. A moción foi defendida pola concelleira popular Teresa Cendón.
Un Pleno extraordinario aprobou hoxe luns as propostas dos distintos grupos políticos para Medalla de Vigo e Vigueses Distinguidos deste ano. O máximo galardón, tal e como propuxeron os grupos, recaerá sobre a Xunta Local de Vigo da Asociación Española contra o Cancro, mentres que Carlos Oroza, Antonio Romero Lorenzo, Gumersindo Espiña Campos, o colexio Compañía de María, Antón Piñeiro Lorenzo, a FAVEC e a Sociedade Deportiva Atlántida de Matamá serán os distinguidos deste 2013.
O Pleno validou hoxe luns unha moción que rexeita "os recortes" nos comedores dos centros públicos e solicita ao goberno autonómico a retirada dunha medida que incrementará un 40% o prezo e conlevará que 3.000 escolares vigueses paguen pola comida desde o próximo curso, segundo denunciou a edil de Educación.
Todos os grupos coincidiron na sesión plenaria de hoxe luns en apoiar unha moción <i>popular</i> que insta ao Goberno local a elaborar unha estratexia de promoción turística de Vigo. Outro dos acordos unánimes desta mañá pasou por destinar aos equipos de fútbol base da cidade os campos de A Madroa, unha vez construída a Cidade do Deporte.
A Corporación de Vigo aprobou hoxe luns, en sesión plenaria, instar ao Goberno de España a retirar o anteproxecto de lei de reforma da administración local. Socialistas e nacionalistas rexeitan un texto que ten a oposión dos concellos e non supón unha mellora en termos de eficiencia, financiamento e servizos.
BNG e PP coincidiron este luns en solicitar a retirada da Medalla da Cidade a Julio Fernández Gayoso. O PSOE abstívose na votación que deu luz verde a esta moción nacionalista.
A concelleira de Economía e Facenda, Raquel Díaz, presentou este luns no Pleno da Corporación a liquidación do orzamento municipal de 2012, un ano de "máis investimento, menos débeda e menos presión fiscal". A débeda do Concello queda no 24,9%, polos 33,03% do ano 2006.
A moción, presentada polo PSdeG, enmendada e apoiada polo BNG, reclama ao presidente da Xunta de Galicia que medie para conseguir os avais que precisa o estaleiro vigués para ensamblar o buque. O acordo insta ás administracións central e autonómica a garantir a viabilidade e o emprego no naval.