A concelleira da Muller, Lucía Molares, presentou no Centro Social Caixanova hoxe martes, véspera do Día Internacional da Muller Traballadora, o proxecto "Conta con elas", que ten por obxectivo a sensibilización da sociedade para diminuír a discriminación da muller.
O Concello sumarase á celebración do Día Internacional da Muller, o día 8 de marzo, cunha programación especial que se desenvolverá ao longo de todo o mes que vén e que inclúe exposicións, tertulias, conferencias, teatro e poesía.
A concellería da Muller abre o prazo de inscrición para o curso, de carácter gratuito, "Primeiros auxilios domésticos" que se celebrará no Centro Recreativo Artístico e Cultural de Coruxo do 23 de febreiro ao 8 de xuño.
O asasinato cometido onte domingo na propia cidade de Vigo foi a causa da concentración silenciosa de hoxe luns na praza do Rei contra a violencia de xénero. Asistiron varios membros da Corporación Municipal coa alcaldesa, Corina Porro, á cabeza, así como numerosos traballadores do Concello e outros cidadáns.
Unha nova concentración silenciosa na praza do Rei recordou hoxe martes o goteo de mortes que a violencia de xénero produce en España, onde no que vai de ano sete mulleres foron asasinadas polas súas parellas ou ex parellas.
Un numeroso grupo de veciños e funcionarios do Concello congregouse hoxe xoves na praza do Rei xunto a varios membros da Corporación Local para protestar co seu silencio contra o asasinato de Águeda González, a moza de Baiona cuxo corpo sen vida foi achado o mércores tras a confesión do seu presunto asasino.
Unha nova concentración silenciosa na praza do Rei, e xa van tres desde que comezou o ano, volveu lembrar as víctimas da violencia de xénero. Desta vez protestouse contra os asasinatos dunha nena de cinco anos e da súa nai a mans do ex compañeiro desta, ocorridos en Zaragoza.
A concelleira da Muller, Lucía Molares, presentou hoxe mércores o segundo cuadrimestre do programa "Eu tamén sei", que pretende impulsar a formación e participación das mulleres a través de cursos prácticos.
Por segunda vez no que vai de 2006, a praza do Rei foi escenario dunha concentración silenciosa en contra da violencia de xénero. Dúas mulleres morreron a mans dos seus compañeiros, o pasado mércores en San Sebastián e o xoves e Palma de Mallorca.
Membros da Corporación Municipal e veciños de Vigo manifestáronse de maneira silenciosa hoxe martes na praza do Rei contra as tres mortes por violencia de xénero rexistradas no que vai de 2006 en España.