mércores, 23 abr 2014
O alcalde informou hoxe mércores da reclamación efectuada polo Concello de Vigo ante o Ministerio de Facenda, correspondente ao gasóleo consumido entre os anos 2010 e 2012, unha vez que a xustiza europea invalidou o chamado céntimo sanitario. Os técnicos municipais estimaron a devolución en 35.000 euros, máis os xuros de demora, por máis dun millón de litros de gasóleo adquirido nos tres anos.
venres, 4 abr 2014
A Xunta de Goberno Local deu luz verde este venres ao orzamento municipal deste ano, 228 millóns de "profundo contido social e xeración de emprego", indicou o alcalde, quen informou da reserva de 19,1 millóns para protección social e emprego, case un 12% máis que en 2013, e 11,3 millóns de investimentos. O Concello inclúe 700.000 euros para bolsas de inglés.
mércores, 19 feb 2014
Caballero informou hoxe mércores de que o concelleiro de Fomento, David Regades, concertará unha reunión co edil do PP, Miguel Fidalgo, onde iniciar as negociacións para aprobar as contas, traballo do que participará tamén a responsable de Facenda, Raquel Díaz. O alcalde amosou o seu "desexo" de acordar un orzamento que "axude a paliar o impacto social da crise".
martes, 18 feb 2014
O alcalde mantivo este martes reunións cos voceiros dos grupos municipais do PP e do BNG de cara á aprobación do orzamento presentado polo goberno local para 2014. Caballero informou da celebración de entrevistas en próximos días entre socialistas e populares para negociar "temas concretos", mentres que os nacionalistas manifestaron a súa vontade de votar en contra do documento.
mércores, 12 feb 2014
Un incremento de máis do 50% nas achegas ao deporte de base e a ampliación dos coidadores de barrio a 8 zonas da cidade son algunhas das partidas concretas que o rexedor destacou hoxe mércores . Concretamente dixo que o servizo de coidadores pasará a prestarase en Lavadores, Bouzas, Miñoca-Balaídos, Travesas-Praza Independencia, Teis e Navia, ademais de seguir funcionando no Calvario e no Casco Vello, neste caso, ampliándose ata a zona de Torrecedeira.
luns, 20 xan 2014
O alcalde referiuse hoxe luns á publicación oficial do Ministerio de Facenda que indica que o vigués paga 132 euros polas taxas e prezos públicos da cidade, un 33% menos que en Santiago e un 53% máis baratos que en A Coruña, onde pagan 202 euros por persoa.
xoves, 9 xan 2014
O alcalde propuxo a Teresa Pedrosa inicio dun estudio para que o ámbito da Panificadora albergue un edificio franco como o que funciona no centro de Madrid. Así llo trasladou hoxe xoves durante unha reunión na que acordaron que o próximo Pleno do Consorcio será o mércores 15 ás 19,00 h.
xoves, 28 nov 2013
O rexedor informou este xoves dos últimos pagos validados polo Concello de Vigo, 108.000 euros adicados a subvencionar o fomento do emprego e case 85.000 máis para entidades e comedores sociais. Caballero denunciou o recorte das administracións autonómica e provincial aos comedores, "prácticamente sostidos" co apoio do goberno de Vigo.
martes, 15 out 2013
O Pleno aprobou este martes a modificación da ordenanza ás compañías de telefonía móbil e da taxa ás empresas polo uso das galerías soterradas municipais, co apoio de PSOE e PP e a abstención do BNG. Por estes conceptos, o goberno de Vigo prevé recadar 775.000 euros o próximo ano, que adicará a política social, educativa e emprego.
martes, 15 out 2013
Abel Caballero informou hoxe martes dos pagos efectuados ao longo deste mes a entidades como a UNED, PSA Peugeot Citroën -no marco do apoio ao emprego na factoría viguesa-, Conxemar, o Comedor da Esperanza, o Consorcio Galego de Igualdade e Benestar, ou as fundacións culturais Laxeiro, Liste e MARCO, por valor total de 608.000 euros.
