Trátase do alumnado que gozou o curso pasado dunha bolsa do programa municipal de inmersión lingüística en inglés. Abel Caballero explicou que en 2017 amplíanse a 750 o número de prazas ofertadas cun orzamento superior a 1.650.000 euros.
O goberno da cidade e o CSMVigo cooperan na organización dos concertos didácticos programados para este curso académico. Os días 7 e 9 de marzo, 600 alumnos e alumnas de doce colexios presenciarán "Heroes e Viláns Musicais", coa intervención da Banda de Música Sinfónica do Conservatorio e pezas de Tchaicovsky, Wagner e John Willians, entre outros.
O alcalde felicitou a un grupo de usuarios de Down Vigo que realizan prácticas en comedores de seis centros educativos da cidade polo bo resultado do seu labor. Ademais explicou que a FEMP está promovendo a inclusión de cláusulas de contido social nos contratos con reserva de prazas para persoas con diversidade funcional.
Segundo informou hoxe xoves Abel Caballero, o goberno de Vigo vén de abrir a convocatoria para que o alumnado de 3º de ESO solicite -no Rexistro Xeral do Concello- unha das 657 prazas das que dispón este ano o programa "Vigo en Inglés".
O investimento municipal para os oito centros sitúase en 1,7 millóns de euros e, segundo explicou o alcalde, "a metade dos usuarios están exentos de pago" por teren rendas baixas. Ademais aprobáronse axudas directas a mulleres vítimas da violencia de xénero e a cesión temporal dunha vivenda para unha unidade familiar nesta situación.
A Xunta de Goberno Local deu luz verde este venres ás bases e convocatoria para a adxudicación das 657 prazas de "Vigo en Inglés" que oferta este ano o Concello para alumnado de 3º da ESO. Segundo recordou Abel Caballero, o goberno de Vigo dispón no 2017 de 749 vacantes deste programa, que inclúe 92 bolsas para estudantes da Escola de Idiomas.
O alcalde comprometeuse coas direccións dos dous centros a realizar esta obra ante a "desatención total da Xunta de Galicia" á educación dos nenos vigueses. Segundo sinalou, o goberno autonómico non respondeu á demanda da cubrición dos patios realizada polos dous centros.
O alcalde saudou este xoves ao alumnado que asistiu no Auditorio Municipal ao concerto ofrecido pola Escola Municipal de Música Folk e Tradicional, que se enmarca nun programa no que participarán 2.500 alumnos de 49 centros educativos vigueses.
O alcalde de Vigo comprometeuse hoxe venres co profesorado e cos pais do colexio Párroco Don Camilo a estudar a posibilidade de abrir un acceso pola parte de abaixo do centro educativo. Deste xeito, os douscentos escolares evitarían o tráfico rodado da estrada na que está situada na entrada nestes momentos.
O alcalde comprometeu estas obras logo de manter unha reunión coa dirección do centro, que demanda unha solución ante os problemas de acceso tanto rodado como peonil ao recinto. Caballero sinalou que o Concello fará as obras ante "o abandono" dos centros públicos vigueses por parte da Xunta de Galicia. <br />