venres, 21 abr 2017
Abel Caballero saudou este venres a un grupo de 16 alumnos de Bacharelato procedentes dos Estados Unidos que están realizando un intercambio co Colexio Miralba e que pasarán as dúas próximas semanas coñecendo a cidade e a súa contorna e mellorando o seu coñecemento do idioma. O rexedor deulles a benvida a Vigo e desexoulles unha feliz estancia e aprendizaxe na "cidade máis fermosa do mundo, na cidade da economía e do emprendemento".
martes, 18 abr 2017
O Concello inviste este ano máis de 1,5 millóns de euros en obras de mellora en distintos centros de infantil e primaria de Vigo. Caballero salientou os 600.000 euros adicados á cubrición dos patios dos colexios Virxe do Rocío, Carballal e Canicouva.
venres, 31 mar 2017
O rexedor recibiu este venres no Concello ao alumnado dos IES Politécnico de Vigo e o IES Calvario que realizan un intercambio escolar co College Blaise-Pasca de Saint Flour en Anvergne, en Francia, que visitaron as instalacións municipais. Abel Caballero deulles a benvida á cidade e referiuse a esta acción educativa como un exemplo da unidade de Europa, poñendo en valor o papel da xuventude no irmandamento dos diferentes países do vello continente. Ademais, destacou a importancia das relacións económicas e comerciais de Vigo con Francia coa industria do automóbil como principal baluarte.
venres, 31 mar 2017
Preto dun cento de escolares vigueses de máis de 30 centros da cidade participaron na XIV edición do Concurso Dixital Infantil Internacional que se desenvolveu baixo o lema "O ciclo da auga, unha aventura para valentes". Abel Caballero entregou os galardóns aos doce finalistas vigueses e a unha das dez gañadoras: a viguesa María Sío Tizón, do CEIP Frián de Teis. O acto, que se desenvolveu na Praza do Rei, rematou cunha solta de globos con consellos de consumo responsable de auga achegados polos nenos e nenas participantes.
luns, 27 mar 2017
Abel Caballero explicou que se trata dunha partida para que centros públicos de Infantil e Primaria poidan realizar obras de pequena entidade. Ademais, a Xunta de Goberno Local aprobou a adxudicación das 82 bolsas para estadías lingüísticas de alumnado da Escolas Oficial de Idiomas que teñen un importe de 160.000 euros.
xoves, 23 mar 2017
Abel Caballero e Salustiano Mato mantiveron esta mañá un encontro no que acordaron que a Universidade recibirá en bolsas de comedor e inglés a cantidade que paga de IBI ao Concello. Así o explicou o rexedor nunha rolda de prensa na que tamén avanzou que o reitor fará uso do antigo despacho que tiña no edificio municipal do Areal ata que non remate a rehabilitación do inmoble de O Berbés, futura sede da entidade educativa.
venres, 17 mar 2017
O Concello, que amplía ata o 24 de marzo o prazo para optar, ten recibido ata o momento 753 solicitudes de alumnado de 3º de ESO para un mínimo de 657 vacantes dispoñibles. De cara ao ano que vén, o obxectivo é cubrir practicamente toda a demanda, polo que o alcalde anunciou un incremento en polo menos cen prazas.
venres, 17 mar 2017
O goberno vigués aprobou a clasificación de ofertas (antiga adxudicación provisional) para a contratación deste servizo por catro anos. Abel Caballero avanzou que a mellor valorada oferta unha baixa de case o 13% sobre o importe de licitación. O Concello de Vigo conta con 620 prazas en oito escolas infantís municipais.
xoves, 16 mar 2017
Case que mil nenos e nenas de varios colexios da cidade participan desta iniciativa municipal, que ten lugar durante o mes de marzo. Ofréceselles un itinerario didáctico guiado polos espazos máis destacados de Vigo relacionados coa Reconquista, explicou Caballero este xoves.
martes, 14 mar 2017
O alumnado de primaria de diferentes centros da cidade participa dende hoxe e ata o mes de maio no programa "Magas" co que o goberno municipal quere achegarlles a traxectoria de mulleres senlleiras do ámbito artístico, científico, laboral ou deportivo, entre elas estarán Maruja Mallo ou Rebeca Atienza. O alcalde saudou hoxe no Auditorio do Concello aos escolares que coñeceron, de xeito didáctico e divertido, a historia da oceanógrafa Ángeles Alvariño.
